2226. 1635 augustus 10. Aan Willem de Groot1.

Mi frater,

Quod mihi tuis 21 Iulii datis2 negotium remonstrantium commendas, ab Utenbogardo itidem proprie et communiter a societatis inspectoribus commendatum3, cordi mihi erit et ut negotii aequitas et ipsorum hominum caritas imperat. Ubi et Tileni uxorem4 et Treselium5 tentavero viamque explicandi negotii reperero aliquam, ipsis id significabo. Mittendae posthac mari erunt literae, quando per Brabantiam saepe retentantur.

Novis vestris rebus indolemus, maxime si de Gravewarta verum est. At Gallicae res in Alpibus bene procedunt caeso iterum hoste, qui castris bis incensis in Tirolensem agrum se retulit, nec ibi tutus a Rohanio6. Ita Valles Telina et Monasteriensis ad regis7 socios rediere. In locis propioribus hostis ad novi exercitus sub cardinali Valetta8 adventum Bipontini oppidi obsidionem et cap-

148

Scribo ad Corvinum9 eique gratias ago, quod juris elementa filium10 docuit. Rogo munusculum aliquod de meo addas, paulo amplius quam quod dari ab aliis solet, tuo arbitratu.

Accepi jam libros Sophompaneae11, hic satis gratos; ibi quomodo accepti sint a varie affectis hominibus, scire cupiam. Testimonium Delfense urge quaeso. Chartarum ad res Rotterodamenses pertinentium12 velim mihi mitti justa exempla et versiones Germanicam et Belgicam publica auctoritate probatas, ut ad senatorem Reigersbergium13 scripsi antehac, quem rogo, ubi redierit, ne desinat, donec certi aliquid a civitatis magistratibus intellexerit. Mora nobis noxia est. Tum vero utrumque vestrum rogo, ut de libris et chartis sitis memores, ubi prima se dabit occasio. De dominio maris librum Seldeni14, qui edi ad me scriptus est, exspecto.

Vale cum parentibus optimis15, uxore16, familia, amicis.

10 Aug. novi Cal. 1635.

Eorum, quae in Sophompanea sacrisque poematis allis aut a typographis peccata erant aut a me reformata in melius, indiculum nuper ad te misi17. His accedant [pag.] 147. lin. ult. pro patienda: potienda18, [pag.] 164. [lin. tertia]: artus sine interrogandi nota19.

Tui amantissimus frater
H. Grotius.