eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2244. 1635 augustus 21. Aan Willem de Groot1.

    Frater charissime,

    Multae me causae impellunt in hoc consilium, ut quicquid pecuniae per Hollandiam aut reipublicae aut civitatibus credidi, id omne sine mora relegi cupiam relictis tantum illic iis reditibus, qui hominibus ita coaevi sunt ut Hamadryades arboribus2. Quaeso igitur, ut nullo interposito tempore id cures; tum quae de Rotterodamo3, libris, chartis scripsi antehac, ea repetita censeas quoties scribam.

    A Meti literae ajunt Galasium4 a Valetta cardinali5 et Bernhardo Vinariensi duce6 repulsum a Magontiaco Wormatiae paene clausum teneri. Cum majore

    178

    exercitus parte ivisse Valettam ad recuparandam Augustam Trevirorum; ducem autem Bernhardum trans Rhenum liberandae, si fieri potest, Hanoviae. Nam Francofurtum metuimus, ne jam cum Caesare7 transegerit et pericula vicinis auxerit. Rex8 videtur in fines Lotharingiae iturus. A magno cancellario9 literas indies exspectamus.

    Rogo salutes optimos parentes10 et amicos.

    Vale cum uxore11 et liberis12.

    Tui amantissimus frater
    H. Grotius.

    Lutetiae, 21 Augusti 1635.
    Notes



    1 - Gedrukt Epist., p. 855. Tesamen met nos. 2226, 2237 en 2250 beantw. d. no. 2268.
    2 - Boomnimfen, die tegelijk met de boom geboren werden en stierven; zie o.m. Vergilius, Buc. Ecl. X, 62; Propertius, Eleg. II 32, 37.
    3 - Dit doelt op Grotius' pogingen zijn achterstallige salaris als pensionaris van Rotterdam alsnog uitbetaald te krijgen.
    4 - Matthias, graaf Gallas, bevelhebber in het leger van Ferdinand II.
    5 - Louis de Nogaret d'Epernon de La Valette.
    6 - Bernhard, hertog van Saksen-Weimar.
    7 - Ferdinand II.
    8 - Lodewijk XIII van Frankrijk.
    9 - De Zweedse rijkskanselier Axel Oxenstierna.
    10 - Jan de Groot en Aeltgen van Overschie.
    11 - Alida Graswinckel.
    12 - Zie voor hun namen no. 2237, p. 166 n. 9.