Search
Add panel
[tiler debug info]
Choose a letter
Tuas ultimo Febr. et Mart. VI e novo Cal. datas3 biduum est quod recepi; et ut mei erat muneris statim, postquam receperam, tradidi.
Memini equidem scripsisse me antehac voluisse dominum magnum cancellarium4 tibi ut nuntiarem meam operam, si foret animus in hac aula manendi, ipsi non displicere, nec aliter quam scripsi se res habet. Quin et interim saepe ipse, saepe per alios idem est pollicitus; quae autem causa sit, cur in hoc proposito haeserit hactenus meque adhuc in incerto teneat, nemo est, qui dixerit, nec apparet omnino, nisi illud inspiciamus, quam considerate quamque cunctante[r] explicare omnia consilia sua assueverit. Quoquo modo ea se res habet, non est, quod de exspectatis mihi diu successibus desperem. Potero interim solari hanc temporis iacturam Germanici sermonis rerumque in hac aula tractarum cogitatione quantulacunque. In caeteris tuarum memor admonitionum, quas ut digne aestimem, scio et fortunae meae et isti, quam debeo tibi obedientiae interesse.
68
Pro libraria suppellectile, quam mittere te ais, haud equidem dixerim, quantas tibi habeam gratias. Utinam et vestes adessent, cum ad apiscendos honores videantur illa non parum promovere. Possunt autem, dummodo tutum Hamburgum transmittantur, haberi a nobis sine ullo incommodo, cum inde ad nos commeantibus pateant itinera tuta nec ullo obsessa milite.
Quae publica spectant haec sunt ferme. Rostochiensem civitatem amisso praesidii praefecto5, qui per dolum civibus se atque ipsis adeo militibus subduxit, quorum omnium irritaverat in se animos, nostrorum petitionibus aures praebere, cum steterit ista urbs iam per aliquot menses sub isto Lunemburgicorum partium tribuno6 clausa dies noctesque quorumlibet aditus, adeo ut huius quoque aulae praefecto7 denegata fuerit transeundi potestas, licet media hyeme et intento gelu ipse e campo nobis vicino per suos iussisset eam peti. Bannerium8 cum X equitum millibus, quorum pars Salae fluvium nando traiecere per dolum hostilia castra agressum; et duo regimenta dedisse internecioni captis vexillis X progredi nunc et maiora moliri. Gaertam obsidione adhuc premi.
Silesiae eundem esse statum. At edixisse Poloniae regem9, ne dehinc suum intra territorium militem sibi conscribant caesariani10.
Rediit iam nunc Hamburgum S. Chaumontius11. Dominus magnus cancellarius parat se, Straelsundiam ut repetat in sequentem proxime Mercurii diem. Videtur illud agere apud dominum cancellarium Lunemburgicus12, ut medius sit inter partes, et hostilia in posterum exuat.
Spiringium13 Amstelodamum profectum scripsi iam antehac14 ut et de Mathisiae15 morbo, quem lethalem sibi sensit atque adeo ante octiduum extincta est.
Deus te, venerande Parens, ingens publici, ingens nostri quoque decus atque columen, clementer custodiat, cujus tutelae et matrem meam et sororem16 commendo.
Tuus tibi obedientissimus filius
Cornelius Grotius.
Vismardae, XXVII Mart. vet. cal. 1636.
Vestes meae, et si quid aliud est, quod mittas, si Hamburgensi navi committantur, quales saepe ad nos transmeare solent, nullum equidem illis periculum video, dummodo ad Hamburgensem mittantur mercatorem aliquem et absint litterae, quae notos nos faciant.
Boven aan de brief schreef Grotius: Rec. 12 Maii n.s.
