eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2777. 1636 september 30. Van Willem de Groot1.

    Frater optime,

    Ex tuis ad patrem2 undecimo hujus mensis scriptis litteris3 intelligo te de parentum valetudine esse sollicitum, qua cura ut te in hoc quidem tempus liberem, officii mei esse credidi te de commodiore utriusque valetudiue certiorem facere. Pater enim bene fert aetatem, mater4 vero etsi minus firmo corpore; saepiuscule enim languet et de hydrope conqueritur, tamen nullo magno aut letali morbo laborat. Nos reliqui valemus et meliorem filiae tuae5 valetudinem laeti intelligimus.

    Gronovius6, cujus nuper feceram mentionem7, ostendit mihi litteras ad te Casauboni8, quas propediem restituturum se promittit; jam enim festinatur editio9, quod puto ipse in hisce suis litteris significabit.

    Adfuit nobis heri juvenis10, quem e Germania, ut tibi a concionibus sit, evocasti, qui per integros tres menses adverso vento in his nostris oris fuit detentus, et jam primum monente Matisio11 nos accessit. Is, simulatque Euri flaverint, quod circa haec tempora plerunque solet evenire, ad vos veniet.

    In castris nostris necdum quicquam magnae rei geritur; habet penes se princeps12 mille et sexcentas qua magnas qua minores naves. Putant rerum gnari aliquam ipsi expeditionem in animo esse, nam ut obsidionem inceptet anni tempus ferre non videtur.

    Vale, frater optime, cum uxore et liberis13.

    Tibi obsequentissimus frater
    Guilielmus Grotius.

    Hagae, XXX Septembris 1636.

    418

    Adres: A Monsieur Monsieur Grotius, Ambassadeur de la Reine et couronne de Suède vers le Roy Trèschrestien. A Paris.

    In dorso schreef Grotius: 30 Sept. 1636. W. de Groot.

    Boven aan de brief: Rec. 27 oct.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr.
    2 - Jan de Groot.
    3 - De brief is verloren gegaan.
    4 - Aeltgen Borre van Overschie.
    5 - Cornelia, Grotius' oudste dochter.
    6 - Johann Friedrich Gronovius, jurist en klassiek-filoloog; zie V, p. 229 n. 2.
    7 - No. 2702.
    8 - Zie voor deze brieven van Isaac Casaubonus - behalve no. 2702 - deel IV passim en III, p. 174 met de verwijzingen in n. 11.
    9 - Isaaci Casauboni Epistulae quotquot reperiri potuerunt, nunc primum junctum editae. Adjecta est Epistola de morbi ejus mortisque causa: deque iisdem narratio Raphaelis Thorii. Hagae Comitis. Ex officina Theodori Maire. MDCXXXVIII.
    10 - Brandan Dätri, luthers theoloog uit Hamburg; hij was op weg naar Parijs, waar hij het ambt van huispredikant bij Grotius op zich zou nemen; zie VI no. 2369, p. 364 en n. 3 aldaar. Vgl. ook VI, nos. 2377 en 2417.
    11 - Assuerus Matthisius; zie over hem V, p. 72 n. 10; vgl. ook de in de vorige aantekening vermelde brieven uit deel VI.
    12 - Frederik Hendrik.
    13 - Alleen Cornelia en Diederik waren bij hun ouders in Parijs.