5371. 1641 september 17. Van G. Keller.1

Hochedler, gestrenger herr ambassadeur, hochgeneigter herr vnndt patron,

Nun haben wir bereits inn den fünfften tag in der grossen vngewissheit von vnserer armee gelebt, in deme von selbiger, so viel tage passirt, so viel vnndt wieder einander lauffende zeitungen alhier einkommen, also dz auch noch diese stunde wir von dannen keine gewissheit habenn, vnndt ein mehrers nicht glauben können, den dass wie der grösste theil der alhier einkommenden avisen damit vbereinstimmet.

Nachdem man gesehenn, dz der vestung Wolffenbüttel weder durch wasser, noch sonsten so nahe zu kommen, das selbige dadurch zur auffgabe hette gezwungen werdenn können, vnserseiths communi consilio die belegerung vfzuheben geschlossen, auch so forth effectuiret, fördrist aber der darfür gemachte dam durchgestochenn vnndt vernichtet werden, vnndt sollen jezo alle conjungirte armeen zwischenn Giffhornn vnndt Zell sich gesezt, die Hessische aber vmb Dorsten zuentsezen, nach der Weser sich gewendet habenn. Die eigentliche gewissheit hiervon werden wir mit nechsten zu avisiren habenn. Vonn der kayss. armee vnndt was deroselben intent sey, habenn wir noch weniger.

Mit dem könig inn Dennemarck beruhets noch inn vorigenn terminis. Die herren Hollendische gesandten2 seindt wiederumb von ihrer rückreise nach hauss, vf erhaltene dritte bottschafft vonn Glückstadt, vmbgekehrt vnndt nach ged. Glückstatt gangen, woselbsten sie sich annoch befindenn, inn guter hoffnung, weiln sie die Oresundische zollmatricul, wie sie a.o 1637

515

Vber Pommern wirdt der Sächss. vnndt kayss. den 21. Augusti vf Görliz gethane, aber verlohrne starcke sturmb confirmirt, darinnen vber 800 mann, vnndt vnter denen mehrertheils der Spanischen tragoner, 1 obrist leutenant, 1 major, 9 capitains vnndt andere officirer geblieben. Dem 23. dito hat ein rittmeister von Stallhanschenn3 70 gefangene eingebracht. Ob dieser nun den orth entsezenn wirdt, stehet mit nechsten zuvernehmen. Er ist, nachdem er den secours zu sich bekommen, vffgebrochenn vnndt zue Sagan angelangt gewesenn, vnndt hat immittelst der commendant inn Görliz4 nach ausgestandenen sturmb, alles vfs beste wiederumb verbawen lassenn, so, dz die darvor liegende selbst schlechte hoffnung zue der eröberung haben.

Auss Pohlenn hat man, dz sich der reichstag5 daselbsten schwürig ansehenn lasse, vnndt wolle dem churfürsten zue Brandenburgk6 dass lehen vber Preüssen noch schwehr gemacht werdenn. So wil man auch sagenn oder schreiben, ob solte einig feindtthätligkeit zwischen den Pohlen vnd Türcken vorgangen seinn, vnndt jene darüber in 4000 mann verlohren haben; den erfolg wirdt die zeit geben.

Im vbrigen bestehet bey allen liebhabern boni publici die summa aller reden vndt gedancken inn den grossen verlangen nach des herren feldtmarschaln7 ankunfft, dessenn abreisen doch, inn den jüngsten schreiben vonn 14.ten Augusti, noch vf 14 tage hinauss gesezt worden. Gott gebe dass dieser lange verzug keine grössere vnndt schädtlichere consequentien, alss schonn erfolget, nach sich ziehe. Dessen schuz thue Ew. Excell. ich ganz getrewlich empfehlen.

Ew. Excell. gehorsamber diener
G. Keller mpp.

Datum Hamburg, den 7. 7bris a.o 1641.

Bovenaan de brief schreef Grotius: Rec. 9 Oct.