eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5448. 1641 november 1. Aan W. de Groot.1

    Mi frater,

    Exemplaria2 bene abs te distributa gaudeo. De exemplaribus Iuris belli ac pacis3 expedi aut tu aut D. Vossius4 ex more et aequo. Et curam gere, ut quam minimo sumtu ea accipiam. Magna est ea, quam dedi ei libro, accessio. De Lucano5 urge, deinde poematia.6 Mittam brevi

    607

    de origine gentium Americae7 et si velit Blavius ad Ius.8 Nam Anthologiam9 et illa ad Vetus Testamentum10 video ibi excudi sine maximo meo et ipsius dedecore non posse.

    De Blondio11 si qua tibi locutus fuerit, dic me hic filium12 habere, qui ei pugnam singularem est denuntiaturus ob iniuriam illatam senatori Reigersbergio.13 Ego legationis damno, si quid id mihi minetur, non moveor. Lucrosa res non est. Honorum sum satur. Senectus advenit et quietem aliquando postulabit. Non subtraham me negotiis, dum par sum, nec ea quaeram, si fugiant.

    Aira famem non metuit ante natalem Domini venturum. Exercitus regis apud Bononiam est, urbi Audomari14 insidiatur frustra. Grantzeus15 ad Ioinvillam est. Hohentwilam obsident hostes, Galli in Italia Raveliam.16 Hispanus classem habet tantam, ut Catalaniae et Ruscin[on]ensis tractus locis sibi adhuc parentibus subveniat. Portugalli et Andalosii pugnant quotidie. Pontifex adhuc obsidet Castri oppidum. Itali principes laborant pro pace.

    Saluta matrem, uxorem, amicos.

    Tibi obligatissimus
    H. Grotius.

    Lutetiae, 1 Novembris 1641.

     

    Audimus multum argenti ex Hispania venisse in Angliam. Galli Demontium in Pedemontano, in comitatu Burgundiae Quintium cepere.17 Obsident ibidem Dieusam. Portugalli eorumque socii classem Hispanicam ad Gades frustra adorti sunt.
    Notes



    1 - Gedrukt Epist., p. 928 App. no. 572. Antw. op no. 5430; tezamen met nos. 5429 en 5437 beantw. d. no. 5462.
    2 - Presentexemplaren van Grotius' Annotationes in libros Evangeliorum (BG no. 1135).
    3 - Van de uitgave van 1642 (BG no. 571) wilde Grotius 30 gebonden presentexemplaren ontvangen; zie ook nos. 5412 en 5430.
    4 - Gerardus Joannes Vossius.
    5 - Grotius' nieuwe aantekeningen bij Lucanus verschenen bij Blaeu in 1643 (BG nos. 430 en 431).
    6 - De bedoelde uitgave van Grotius' Poemata is niet tot stand gebracht (no. 4995 n. 12).
    7 - De kopij van Grotius' De origine gentium Americanarum dissertatio. Het werk verscheen in april of mei 1642 te Parijs (BG no. 725) en in juli 1642 bij Blaeu in Amsterdam (BG no. 726); zie Grotius' brief aan Willem dd. 3 mei 1642 en Willems brief dd. 14 juli 1642 (dl. XIII).
    8 - Grotius' Florum sparsio ad Ius Iustinianeum (BG no. 791); het werk verscheen in 1642 bij Pelé te Parijs.
    9 - BG no. 534; de uitgave verscheen pas in 1795-1822.
    10 - BG no. 1137; het werk verscheen in 1644 bij Cramoisy te Parijs.
    11 - Michel le Blon; zie ook Willems brief, no. 5430.
    12 - Cornelis de Groot.
    13 - Zie voor de kwesties tussen Nicolaes van Reigersberch en Le Blon dl. X-XI, Register i.v. Blon.
    14 - Resp. Boulogne en Saint-Omer.
    15 - Jacques Rouxel de Médavy, graaf van Grancey (no. 5323 n. 11).
    16 - Revello in Piemonte.
    17 - Resp. Demonte en Quingey.