eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    774

    6599. 1643 december 19. Aan W. de Groot.1

    Mi frater,

    Gratias ago pro memoria rerum mearum et editionum maxime.2 Antequam poematum reliquiae edantur, transmittam Aureum carmen Pythagorae3 et Euripidis Supplices Latine.4

    An pax hic serio optetur dubito, sed possunt multa evenire quae tergiversantes impellant. Filius meus natu maximus Venetiis adhuc est, nec adhuc cognovi an cum Venetis certi aliquid pepigerit.5 Minimum noti plerique suspicantur esse captum apud Bavaros.6 Scribuntur enim, cum Ditlinga capta est, capti adiutores castrenses quatuor. Ipse postremum ad nos scripsit, cum Rothwila a Gallis caperetur,7 quae nunc ab hostibus recepta est. Duces dimissi, milites transire coacti ad partes adversas.

    Coliniacus, marescalli Castilionaei filius,8 Lestradium misit ad ducem Guisium, eum ad pugnam provocans; nec excusavit Guisius, cui domesticus nobilis adiutor fuit, Coliniaco Lestradius, iunctus ei longinquo sanguine. Bis cecidit Coliniacus, et exarmatus a Guisio et plano ensis verberatus est cum monito, caveret in posterum principes provocare. Haec res et ex dissidiis ante natis originem habet et timendum est, ne novis dissidiis det causam. Dux Aurelianensis valde Guisio favet, cuius sororem antehac, nunc vero consanguineam in matrimonio habet. Coliniaco favet dux Anguianus.

    Apud vos9 nisi et mandata quae data sunt legatis ad Foederatorum Conventum et iurisiurandi formula defenditur, erunt in periculo qui gravibus malis remedia adferre voluerunt. Ego eis, tibi, uxori, liberis precor optima omnia,

    tibi obligatissimus frater,
    H. Grotius.

    19 Decembris 1643.

     

    Solidius quam quisquam antehac in tertio tomo tractavit Petavius quaestionem totam de libero arbitrio,10 ita ut nihil sit quod ad diligentiam eius adiici possit. Tractavit etiam historiam de Pelagio et semipelagianis.
    Notes



    1 - Gedrukt Epist., p. 961 App. no. 683. Antw. op no. 6581, beantw. d. no. 6621.
    2 - De zorg voor de uitgave van Grotius' Anthologia Graeca (BG no. 534) en poemata.
    3 - De ‘Aurei Pythagorae versus’ uit de Dicta poetarum quae apud Jo. Stobaeum exstant (BG nos. 458 en 459).
    4 - Grotius' vertaling van de Supplices (Iketides) van Euripides (BG no. 496 rem. 5 en BG no. 532).
    5 - Waarschijnlijk had Grotius de brief ontvangen die Cornelis de Groot op 27 november had geschreven; zie nos. 6515 en 6557.
    6 - De tijdens de slag van Tuttlingen (24-25 november) krijgsgevangen gemaakte Frans-Weimarse ‘aide de camp’ Dirk de Groot was naar de universiteitsstad Tübingen overgebracht; vgl. no. 6606 en Lettres Mazarin I, p. 475-479.
    7 - Zie de brief van Dirk de Groot dd. 19 november 1643 (no. 6542).
    8 - Deze berichten komen ook voor in Grotius' nieuwsbrieven van 19 december.
    9 - Een opmerking over de Hollandse besluiteloosheid in de kwestie van de eed van de Hollandse gedeputeerden ter generaliteit.
    10 - Petau's Theologica Dogmata, Tomus III, in quo de Angelis, ac Mundi opificio et Ecclesiastica disciplina disseritur. In de editie die Jean le Clerc van dit magnum opus verzorgde (Antwerpen [= Amsterdam] 1700) werd de inhoud van Tomus III aldus omschreven: ‘Tomus tertius, in quo de Angelis, de Mundi opificio, de Pelagianis ac Semipelagianis, deque Concilii Tridentini interpretatione, et S. Augustini doctrina disseritur’ (Sommervogel, Bibliothèque de la Compagnie de Jésus VI, kol. 608-610).