4019. 1639 maart 15. Van G. Müller1.

Illustrissime et excellentissime domine legate,

Postquam dominus Bannerius2 ad fines usque Bohemiae cum equitatu progressus ac Lunaeburgensis conventus finitus est, adeo pacata ac tranquilla hic sunt omnia, ut quid ad Excellentiae vestrae literas 9/19 Febr. datas3 respondeam lectione vestra dignum, vix reperiam.

Aiunt literae mercatorum Lipsensium caesum prope Zwickaviam Salis4 ac capta a Bannerio signa equestria XXIV, pedestria XV ac ipsum ducem copiarum cum tribus aliis tribunis5. At ab ipso domino Bannerio toto mense epistolam accepimus nec unam.

Circa medium Februar. cum tormentis et peditatu in Magdeburgensi ac Halberstatensi episcopatibus haerebat adhuc dominus generalis Leonhardus Torstensohnius6 mandata opperiens Bannerii, quem putant contra Marazinium7 deleto Salis ultra processisse. Ingens penes hostes pavor est nec uspiam validae

172

Quo Curtius ille Viennensis10, non Romanus11, abierit, nec dum pro certo scimus. Sunt, qui dicant Hildeshemum ipsum concessisse spe dimovendi ducem Georgium12 a conclusis conventus Lunaeburgensis. Verum in eum res iam est deducta statum, ut poenitentiae locus futurus esse vix possit.

Quae scripta sint ad regiam Sueciae Maiestatem ac dominum Bannerium, ea misi ad dominum Camerarium13 Excellentiae porro vestrae communicanda.

Danus14 ad literas domini legati Salvii15 tacuit hactenus nec desunt, qui credant insidiari illum regem urbi Dantiscanae, quominus utilem Pomeraniam reddat Suedis.

Dominus legatus Rowus16 adeo nihil hic agit, ut solita etiam inter legatos colloquia coitionesque cum domino legato Salvio ab aliquo tempore defugere videatur.

Bisterfeldius17 etiam nunc in Batavis haeret ac ne literas quidem huc scribit. Postulatum principis ipsius18, ut tres coronae ad Kal. Aprileis dominum Strasburgerum19 aut quem alium cum sufficientibus mandatis ad principem in Transsylvaniam mittant, ut iniquum ita impossibile est. Ac ipse princeps minatus est, nisi eo ipso tempore quis compareat cum plenissimis mandatis, res suas cum Caesare20 se acturum.

Dominum ducem Bernhardum Brisacum rediisse nunciant consilia communicaturum cum Erlachio21 et Mockelio22 contra Gallos et numos negantes et Brisacum ipsum cum Burgundiae comitatu appetentes. Doleo vicem tanti principis ac vereor vereorque, ne Galli olim p(oe)nas dent imprudentiae suae.

Deus cuncta dirigat in commodum ecclesiae ac reipublicae atque Excellentiam vestram quam diutissime incolumem praestet.

Excellentiae vestrae omni cultu et obsequio addictissimus
G. Müllerus lt. propria.

Dabam Hamburgi, die V/XV Martii anno 1639.

Excellentiae vestrae literae hic ab omnibus plane insidiis tutae sunt. Ut idem et in Suecia fiat, sedulo monebo atque idem se praestiturum dominus legatus Salvius recepit.

173

Onder aan de brief met latere hand: Inscriptio erat: A Son Excellence Monsieur Grotius, conseiller d'Estat et Ambassadeur de sa Majesté et Suède en France. Paris.

Boven aan de brief schreef Grotius: Rec. 5 Apr. n. st.