Search
Add panel
[tiler debug info]
Illustrissime et excellentissime domine, domine observandissime,
Delegati nostri2, qui primo Vilnam, deinde Ortelsburgum ad R. Maiestatem3 iverant, re infecta redierunt. Regia Maiestas constantissime iam flagitat non tam teloneum marinum quam impositionem quandam quam nos julag4 vocamus, quae a civibus nostris solvitur quaeque non nisi magno cum damno nostro regiae Maiestati concedi poterit. Comitia, quae in 5 Octobris indicta sunt, finem huic negotio imponent, utinam talem, qualem optamus.
Palatinus Smolenscensis dominus Gasiewsky5 brevi hinc Galliam versus splendido cum comitatu solvet.
Bellum in vicina Livonia quamvis aliquot dierum magnas turbas maiores suspiciones excitavit.
Tribunus quidam caesareus nomine Boot6 trecentos milites clanculum in finibus Lithvaniae, Prussiae et Livoniae collegerat illosque in Livoniam non turmatim, sed sigillatim duxerat, prope Dunam fluvium quaedam propugnacula exstruxerat Suecis - ut putabat - imparatis negotium facessurus. Sed ut praecipitia consilia plerumque funestum habent eventum, ita haec inconsiderata parva
528
manu militum in Livoniam irruptio tristissimum habuit exitum. Nam omnes illi milites a Suecis vel occisi vel submersi sunt. Ipse tribunus felici fuga evasit. Haec in Livoniam invasio, ne induciis nostris praeiudicium afferret, R. Maiestas publico diplomate cavit omnibusque suis subditis mandavit, ut non solum inducias cum Suecis pactas exactissime observent, sed etiam hos pacis publicae turbatores ut hostes persequantur.Mortem ducis Wimariensis7 fortissimi herois, omnes, qui fortitudinem, qui in rebus gerendis dexteritatem et promptitudinem, quique virtutem aestimant, lugent.
Deus Excellentiam vestram diu salvam et incolumem conservet.
Excellentiae vestrae obsequentissimus
Israel Köhne dictus Jasky mpp.
Dab. Dantisci, 18 Aug. A.o 1639.
Boven aan de brief schreef Grotius: Rec. 17 Sept.
