Search
Add panel
[tiler debug info]
Frater optime,
Grata mihi sunt, quae de lite filiae2 scribis3, et quidem in iis, quas adducis distinctionibus, utpote juri consonis, acquiesco; siquid porro super ea re occurrerit, fac, quaeso, nos certiores. Tum et illud considera, an adversarii non sint objecturi scripturam nostram non satis esse scriptam in testamenti forma atque ita rejiciendam juxta ea, quae Charondas4 notat ad 289 artic. consuetudinis Parisiensis5: audio et illud susurrari omnia inter amantes6 per jocum gesta, sed de eo uxor filiaque7 nos satis instruent.
Notas ad Lucanum8 ita a te recensitas et auctas, ut novi operis speciem praebeant, lubens audio; ubi ad nos venerint, facile eas imprimi curabimus.
Uxor cum filia Amstelodamum petiere inde post dies aliquot rediturae.
De classibus nostra et Hispanica hoc habe: hanc tria jam militum Hispanorum millia minoribus Anglorum scaphis Duinkercae exposuisse, quorum ducenti tantum in nostram venere potesta(tem); illam vero jam ad centum circiter naves bellicas excrevisse instructas optimis ducibus, nautis exercitatissimis, militibus selectis omnique militari apparatu; si ex alacritate militum aliquid augurii duci potest, ut saepe in historiis usu venisse legimus, non est, quod de successu desperemus. Ante paucos dies, cum archithalassus noster9 vexillum rubeum sustulisset recta in hostem tendens, cessere e medio Angli, ipse vero antequam extrema tentaret, etiamnum consulendos censuit Ordines; quos omnium membrorum conspiratione decrevisse ajunt impetum in hostem fieri sive permittente sive invito Angliae rege10 oportere. Archithalassus noster, cum intelligeret Hispanos abitionem differre ob defectum malorum et antennarum, curavit eorum copiam ipsis fieri, quam gratiam illi vase vinario remunerati sunt. Servius11 primum improbavit insultum
678
in classem Hispan. fieri nolente12 Ufidio13, etiam cum expostulatione. Quod nullae Gallicae naves se nostris jungunt, id vero multis altioris videtur esse considerationis.Quid de prolongandis in Italia induciis futurum sit et siqua communis pacis spes affulgeat, ex te discere aveo.
Vale, frater optime, et nos, ut soles, ama.
Tibi obsequentissimus frater
Guilielmus Grotius.
Raptim Hagae Comitis, XVII. Octobris 1639.
Legati qui in Dania sunt14 asserunt classem Hispanicam destinatam ad exponendos circa Dunkerkam milites atque inde petendam Embdam, ut eam urbem - conscio, ita ajunt, comite15 - in potestatem regis Hispaniae16 redigeret.
Adres: A Monsieur Monsieur Grotius, Ambassadeur de la Reine et couronne de Suède A Paris.
Boven aan de brief schreef Grotius: Rec. 27 Oct.
En in dorso: 17 Oct. W. de Groot.
