5213. 1641 juni 4. Van J.A. Salvius.1

Illustrissime domine legate,

Banerius noster d. 10/20 Maii Halberstadii obiit. Generales vigiliarum praefecti exercitui imperant, dum de successore e regno provisum fuerit.2 Eo ab exercitu bini officiales hoc nomine missi sunt. Interim miles cum officialebus devoti et constantes, et cum Vinariensibus concordes sunt.

De Brunsvicensibus et Lunaeburgensibus meliora speramus tametsi spe metuque ad defectionem sollicitatis. Nostrates sub Halberstadium castra metantur, hostes Bernburgo in angulum ad Barby extensi, ducales exercitus sub Guelpherbytum. Stalhanschius3 in Silesiam divertit. Spacio trium septimanarum tres magni duces protestantes, Georgius Lunenburgicus, Banerius et Arnimbius,4 aeternam pacem adepti sunt.

Salvi conductus pro Suecis et adhaerentibus Germanis huc nuper missi sunt ab imperatore, sed ad Lubecam vel Hamburgum restricti. Nos Osnabrugam, Galli Monasterium proponunt et ut pro utrisque et Batavis Hamburgum mittantur, ut diem tractatui pacis statuere possimus. Atque hic haeret iam pax! Foedus cum Dn. Davausio5 nondum conclusum est recusante Hornii6 inclusionem mihi serio mandatam. Hac a me cessa ipse longarum conditiones induciarum inseri vult mihi non prohibitas quidem, sed ut ad alium tractatum remittantur, iniunctum. Atque hic quoque haeret utrinque faedus, donec e Suecia et Gallia ulteriora mandata venerint. Alias in substantia faederis, ad finem belli sub 1200m. florenorum subsidio annuo, continuandi convenimus.

Legatus Lusitanicus7 in Dania repulsam tulit. Nunc Stocholmii est, ubi ut regius legatus

325

Optime valeat Exc. vestra et, ut solet, favere pergat

Exc. suae observantissimo servitori
J.A. Salvio mp.

H., d. 25 Maii stil. vet. a.o 1641.

Bovenaan de brief schreef Grotius: Rec. 25 Iunii 1641.