5639. 1642 maart 15. Aan W. de Groot.1

Mi frater,

Edita hic sunt opuscula illa ad pacem ecclesiae facientia, quae et Blavium audio velle excudere. Sed miscuerunt se huic negotio in arcano homines, qui effecere ne in hac editione mihi obtemperetur.2 Et quia audio exempla iam in Hollandiam missa, dicam quae sint quae

134

Sunt loca duo in historia Caraffae,5 nuntii apostolici, quorum alter ostendit quam corrupta fuerit vita clericorum eo tempore quo enatum est schisma, alter Confessionem Augustanam cum primum lecta est non displicuisse catholicis, sed visam egere explicatione in quibusdam partibus; quae duo non parum faciunt ad auferendam a protestantibus schismatis invidiam. Sed in iisdem Caraffae locis sunt quaedam inclementius in Lutherum et Melanchtonem dicta, quae avelli nequeunt, ita ut dubitem, utilene sit haec praeponi ipsi Confessioni Augustanae an non; de qua re tibi et aliis talium peritis iudicium permitto. Certe praefationes illas duas, quas dixi, ut instituto parum congruentes malim omitti. Possit autem in fine poni Syllabus eorum, qui pro pace scripsere, editus antehac et Lutetiae et Argentorati.6

Ut vero iam tuis literis quas 3 Martii dedisti7 respondeam, gratias habeo quod de transmittendis libris de Iure belli ac pacis curam habes.8 Blavius recte fecisset, si abstinuisset a talium librorum, qui cum meis nihil commune habent, editione9 aut prius consuluisset aliquos magistratuum, quos audio etiam Episcopio10 minus bene velle.

Rex est Carcassonae11 non procul a Narbone, cui vetus cognomen Martia.12 Et videtur Mars acer futurus illis in locis. Duo exercitus parantur ad tuendam Campaniam et Picardiam. Parlamentarii Angli in hac aula male audiunt, Hibernis vulgo favetur.

Rogo salutes uxorem tuam, matrem nostram, liberos tuos et amicos,

tibi obligatissimus frater,
H. Grotius.

Lutetiae, 15 Martii 1642.