6579. 1643 december 5. Aan H. Appelboom.1

Clarissime domine,

Ex literis Claritatis vestrae datis XXIII Novembris cognovi summas virtutes reginae nostrae clementissimae, pietatem, prudentiam, magnum animum patriaeque amorem, quare meritas Deo gratias ago pro restituta Maiestati eius valetudine eumque precor ut hoc ingens bonum diu nobis servet.2

Ordines regni magno teneri pacis desiderio pridem credidi, sed cum eo nobis hoste res est, a quo nisi armorum nostrorum metu nihil aequi obtinebimus. Quare sapiens est consilium,3 ita pacem expetere ut de belli paratu nihil remittatur, optandumque ut res nostrae prosperae cladem quam trans Danubium Galli acceperunt, repensent. Namque ibi hostis machinas viginti extra Ditlingam positas cepit,4 cohortem quae machinis praesidio erat, interfecit, Ranzovium et Ehmium, qui intra Ditlingam erant, coegit se oppidumque

751

In Hispania Monsonem obsident Hispani viginti millibus, nec Galli eos impedire poterunt, quominus eam urbem capiant, forte et alias.

Deus, clarissime domine, Claritatem vestram bonis omnibus cumulet,

Claritatis vestrae studiosissimus,
H. Grotius.

V Decembris 1643.

Adres: A monsieur/monsieur Appelboom, Suedois, à Amsterdam. Port.

In dorso schreef Appelboom: 1643 - V Decembr.

Adres (volgens de uitgave der Epist.): D. Appelboom.

Bovenaan de copie te Den Haag: Appelbomio.