223

1514. 1630 juni 8. Aan Willem de Groot1.

Est jam in itinere, mi frater, Bellimontius2, qui et testis erit prosperae valetudinis nostrae et animi amicorum memoris, et tabulam afferet, per quam pictum saltem me conspicias. Nam caeterae spes quam incertae, quam tardae sint, vides. Ecclesiasticorum magnae molitiones, magistratuum partim magna caecitas, plerisque nimium frigus, quibus cor sit pauci. Has ad Medium3 literas ut cures, rogo itemque ad Aysemam4 per D. van der Mylen5. Novi quod nunciemus quicquam est, nisi etiam Confluentem, Sabaudicum oppidum, regis armis cessisse, haud auso se cum copiis contra ferre principe Thoma6. Commeatus jam ad regium exercitum procedunt facilius. De pace sermones, sed incerti. Exspectamus, quid de obsidio Casalis futurum sit et de pace inter Anglum et Hispanum interque Imperatorem7 et Suecum8. Nam de induciis vestris nihil hic metuitur. Nihil malumus quam parentes amicosque omnes intelligere sospites.

Lutetiae 8 Iunii 1630.

Miramur de Salmasii9 negotio nihil nos comperire. Comites Hohenloii10 apud me fuerunt accincti ad suburbanam quandam peregrinationem. Quominus se in Galliam immergant, morbis hic illic grassantibus impediuntur.

Tui amantissimus frater
H Grotius.