Search
Add panel
[tiler debug info]
512
Ex Plinio.
Plinius Historiae Naturalis libro XIII. cap. 42 de Palmis. Sicciores in hoc genere Nicolai, sed amplitudine praecipuae, quaterni cubitorum longitudinem efficiunt.
Ex Plutarcho.
Symposiacorum libro VIII. Problem. 4.3. At nihil adeo supra caeteras arbores speciosum habet palma, ut quae in terra Graecia ne fructum quidem ferat vescum, sed crudum immaturumque. Nam si ferret palmulas, quales in Syria et Aegypto habet, aspectu gratissimas nec gustu minus suaves, nulla esset arborum ei comparanda. Nam et Imperator, ut ajunt, cum supra amicos caeteros diligeret peripateticae philosophiae sectatorem Nicolaum, suavem moribus, corpore in longitudinem tenuato, vultu vero in palmularum similitudinem rubescente, optimas ac maximas palmularum appellavit Nicolaos, et nunc quoque id nomen obtinent.
Vetus Geographus sub Constantino editus a Iacobo Gothofredo4. De Iudaea et Syria. Hi et omnibus bonis abundant. Nicolaum itaque palmulam in Palaestinae regione loco, qui sic vocatur. Iericho similiter et Damascena et alteram palmulam minorem et pistacium et omne genus pomorum habent.
Constantinus πεϱὶ ϑεμάτων lib. I5. Thracenses vero hac de causa vocati sunt. Halyatte apud Lydos regnante vir quidam cum uxore et liberis egressus ex ea Thracum regione, cui Mysiae nomen est cujusque Homerus isto versu meminit, Mysorum pugnax genus et celebres equimulgos6, transit in Asiae partem eam, quae Lydia dicitur, habitavitque non longe Sardibus. Cum vero ad urbis moenia consideret, transit illius Thracis uxor urnam gestans capite, manibus colum et fusum7. Zonae autem a tergo adcinctus erat equus. Urna, quae capite gestabatur, aquae erat plena, manibus vero fusum de colo devolvebat. Equus, qui zona
513
trahebatur, ductus aquatum fuerat. Hanc rex conspectam miratus rogavit unde veniret, quae, cujatis. Respondit, Mysam se e modico Thraciae oppido. Hinc rex occasione sumpta ad Thracum regem, cui tum Cotyi nomen erat8, legatione missa impetrat inde colonos cum uxoribus ac liberis numero satis magno. Ex hac natione vocati sunt, qui Asiam minorem incolebant, Thracenses, quod illa prae caeteris esset industria laborumque patiens et ad omne, quod tractatur manibus, opificium idonea. Tota autem Thracensium provincia plures in segentes continet, Lydos, Maeonas, Caras, Ionas. Nam qui Miletum et Ephesum colunt Iones vocantur; qui vero interiora habitant partim Lydi sunt, in quibus Sardiani, partim Maeones ac Cares, quibus accedunt qui minorem Phrygiam colunt.Et sic quidem se res habet Thracensium. Historiam autem illam scripsit Nicolaus Damascenus, libro octavo et decimo, is ipse, qui Herodi regi scriba fuit.
