Search
Add panel
[tiler debug info]
Ex literis tuis, vir reverende, quas 25 Februarii dedisti, video meas, quas mari et Rothomago miseram ad te, amplissimum Lussonium, minorem Puteanum2, non minus tardas fuisse quam vestrae fuerant, de quarum tarditate cummaxime querebar. Meis non dubito, quin gelu obstiterit magnas saepe injiciens navigantibus moras. Posthac praeferam terrestre per Hollandiam, non amplius meam, iter. Illis ergo literis, quas forte jam acceperis, et gratias egeram Lindembrogii3 nomine pro chartis transmissis et significaveram, quod nunc repeto, gratias me summas agere regi4, quod in me etiam absentem beneficia sua depluere voluerit, et amicis, quod meis commodis tam perseveranter invigilent. Caeterum ego, ex quo
110
Gallias reliqui, nullam cur tali beneficio utar, probabilem causam video. Ideoque comiter excusari volo hoc animo, ut non minus pro hac oblata quam pro praestita hactenus liberalitate regi optimo et Galliae sim debiturus et responsurus ei munificentiae grata mente semper factis, si unquam se dederit occasio; quod opto quam maxime, atque interim Deum precor, ut regi vitam det longam et vegetam valetudinem, regno statum tranquillum, si tamen tanti boni capax est Gallia.De rege Sueonum5 soleo usurpare Lucani ista:
Cum tot ab hac anima populorum vita salusque Pendeat, et tantus caput hoc sibi secerit orbis, Saevitia est voluisse mori6.Vix dici potest, quantum ejus morte vulnus pars illa acceperit. Vix ante quoque satis sibi cohaerens, nunc multo minus sublato illo, quo velut animabatur spiritu.
Amplissimo Bignonio7 si precari velim, quantum meretur, animo id concipere non possum, nedum verbis exprimere. Dominum des Hayes8 vobis consolandum delego. Credite me omnia ea dicere, quae vos dicitis; quos officio in tam officiosum amicum non deesse satis certum habeo.
Valete omnes.
Hamburgi 15/25 Martii, 1633.
