eLaborate
::: eLaborate options :::
    Show pagebreaks
    Show variations
    Letter



    2399. 1635 december 20. Aan L. Camerarius1.

    Illustrissime Domine,

    Quem nuper scripseram non accepisse me fasciculum2, pridie ad me missum quam postremum scriberes, is tandem ad me venit XVII Sep. die. Nunquam aeque incertae fuerunt literas curandi rationes quam nunc sunt ventis plerumque hac anni tempestate adversis, rara praeterea navium copia.

    Postquam ego scripsi3, 7 iam sunt dies, nihil evenit significari dignum, nisi quod rex4 in parlamentum hodie venit, gravidus edictorum, per quae ambitionem populi sui sibi vectigalem facit. Ita dignitates quotidie plures plurisque sunt in pretio vulgari; recte aestimantibus vilescunt.

    414

    Cancellarii honos Aligrio5, cui nominis umbra restabat, mortuo pervenit ad custodem sigillorum Seguierium6, hominem, quem Galli protestantes minus sibi aequum iudicant.

    Legatus Britannicus7 mandata habet expostulandi cum rege, quod a legatis eius in Anglia8 Palatinus9 non ut elector salutetur. Dixi, quid ferrent acta Heilbrunnensia, probata legatis Galliae10: quid insecuta federa. Prudenter rex Magnae Britanniae11 impediit, ne legati Galliae Palatinum salutarent, antequam solutus esset is nodus. Si ea offensa dematur, spem nobis facit legatus Angliae de federe sui regni cum Suedia Galliaque.

    Apud vos res bene succedere ac de Scenquiano recuperando12 spem esse propinquam gaudemus tum boni publici causa tum ut querelae, quas iam diu hic audimus, aliquando desinant. Dubito, an is fasciculus, quem nunc accepi, idem sit, de quo scripseras. Datae sunt literae Wismariae XXIV Octob. Alias aeque veteres a Dn. cancellario13 accepi per missum a S. Chaumontio14, postquam is homo15 iam diu his in locis fuerat. Is serae traditionis causas affert frivolas.

    Tibi, Illustrissime Domine, tuisque omnibus cum bona valetudine cetera quoque prospera opto, ut

    Tuae Illustrissimae Dominationi
    addictissimus observantissimusque eius16 H. Grotius.

    Lutetiae, X/XX Decemb. MDCXXXV.

    Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

    Boven aan de brief in de copie te Uppsala in margine: Redd. A.o 1635 (!) 6 Ian. st. n. Respond. ex tempore 9 eiusd.
    Notes



    1 - Copie Uppsala, UB., cod. 388a, Ep. 28. Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 113. Gedrukt Epist., p. 202. Ludwig Camerarius was Zweeds gezant in Den Haag.
    2 - Vgl. hierover no. 2389, p. 398.
    3 - No. 2389.
    4 - Lodewijk XIII van Frankrijk.
    5 - Etienne d'Aligre; hij was op 11 december overleden; zie over hem III, p. 24 n. 3.
    6 - Pierre Séguier; zie no. 2164, p. 52 n. 10.
    7 - Burggraaf John Scudamore.
    8 - Ordinarius ambassadeur van Frankrijk in Engeland was Jacques d'Angennes, markies van Poigny; hem was als extra-ordinarius toegevoegd Henri de Saint-Nectaire de La Ferté-Nabert.
    9 - Karl Ludwig van de Palts; zie no. 2317, p. 285 n. 3.
    10 - De Franse delegatie ter conferentie van Heilbronn in 1633 stond onder leiding van Manasse de Pas, markies van Feuquières.
    11 - Karel I.
    12 - Betreffende Schenkenschans zie no. 2241, p. 175 n. 1.
    13 - De Zweedse rijkskanselier Axel Oxenstierna.
    14 - Melchior Mitte de Miolans, markies van St. Chaumont.
    15 - Misschien Melchior Arod de Sénévas, markies van St. Romain; hij was toegevoegd aan het gezantschap van Melchior Mitte.
    16 - Dit woord ontbreekt in de copie te Uppsala en in de uitgave der Epistolae.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]