Letter

2507. 1636 maart 14. Aan L. Camerarius1.

Illustrissime Domine,

Omnia hic conviviis et laetitiae ostentamentis strepunt: nondum abiit dux Italus2, et dux Germanus3 advenit, Bernhardus Vinariensis, aemuli inter se circa honorum inania. Germanus nobilitate multum eminet, Italus hic praefertur

jure summi, quod tenet, imperii. Cum hoc de Italico bello jam consultatum est diu; cum altero jam de eo, quod Rhenum inter Mosamque geritur, consilia capientur. Nam Mosam quae transierant hostium copiae, remearunt, et ex Picardia nihil grave nuntiatur.

Placet hic per provincias describere cohortes et turmas, quas suis sumtibus quaeque et4 impendiis supra vetera onerum alant. Pecuniae reperiendae praeter illud, quod significavi antehac de novis dignitatibus5, etiam nummi aurei argenteique pretium intenditur, commodo persolventium et inter eos maxime regis6.

Ex Viennensibus literis disco primum id agi, ut Turca7 alio avertatur; deinde ut Polonum8 habeant Austriaci, si non faventem, certe nec adversum, neque parci in rem utramque largitionibus.

Dux Mutinensis9 et Hispani justum exercitum misere, tum ut Mutinensem agrum Gallorum excursibus liberent, tum ut in Placentino se ulciscantur. Pontifex10 bellum in Italiam penetrare dolens et tacens spectat. Castellum sancti Iohannis in agro Placentino sibi subegit Hispanus, Galli pignus societatis arcem Placentinam postulant.

Levia haec sunt prae iis, quae ver novum multis in partibus videtur parturire.

Rogandus est Deus omnia in bonum vertat, quem et tibi perpetuo tuisque propitium spero fore.

Illustrissimae Dominationi Tuae observantissimus addictissimusque
H. Grotius.

Lutetiae, IV/XIV Martii MDCXXXVI.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala: Redd. Delfis A.o 1636 16/26 Martij.

Navigation

Notes

1 - Copie Uppsala, UB., cod. 388a, ep. 38. Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 2. Gedrukt Epist., p. 221. Geadresseerde, Ludwig Camerarius, was Zweeds gezant in Den Haag.

2 - Odoardo Farnese, hertog van Parma; vgl. no. 2500, p. 9 n. 2.

3 - Bernhard, hertog van Saksen-Weimar; vgl. no. 2499, p. 7.

4 - De woorden ‘sumtibus’ en ‘et’ ontbreken in de copie te Uppsala en in de uitgave der Epist.

5 - Zie o.a. no. 2508; vgl. ook no. 2399 dd. 20 december 1635 (dl. VI, p. 413).

6 - Lodewijk XIII.

7 - Sultan Murád (Amurath IV); de copie te Den Haag geeft ‘ne’ in plaats van ‘ut’.

8 - Wladislas VII (IV).

9 - Francesco d'Este, hertog van Modena.

10 - Urbanus VIII.

2507. 1636 maart 14. Aan L. Camerarius1.

Searchform

Fulltext search

Metadata search

Search domain