2618. 1636 juni 3. Aan Ch. Marini1.

Monsieur,

Comme j'ay faict responces à toutes vos précédentes, lesquelles i'espère estre parvenues jusqu'à vous, ainsi je ne veux pax2 manquer de vous signifier que i'ay bien receu la vostre de 2/123 de May, qui m'a esté baillée il y a trois jours.

Depuis ma dernière que ie vous envoyay il y a sept jours4, nous n'avons pas eu de changement, mais sommes en attente de la guerre dans la Franche-Conté du secours pour Hagenou et Colmar puisque Cobelens à nostre malheur s'est perdu.

Pour les affaires de la Saxen et pays voisins je ne vous sçaurois mieux instruire qu'en vous envoyant ce que m'escrit monsieur Grubbe5 d'Hambourg. Je contigneray ces lettres icy comme i'ay faict quelques précédentes au sieur Priolo6.

On a fort parlé icy du manquement des vivres en l'armée de monsieur le duc de Rohan7, et en suitte de cela de quelque malheur que ie ne croy pas avoir esté si grand comme ceux qui nous veulent du mal le ... icy.

J'ay envoyé vostre dernière lettre aussi bien que toutes les autres à monsieur le grand chancelier8 et espère que vous ne perdrez pas vostre peine, à quoy ie seray tousiours très aise de contribuer ce qui sera en mon pouvoir et demeure, monsieur, vostre serviteur très affectionné,

H. de Groot.

A Paris, le troisiesme de Juin.