eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    538. [1617 einde Sept.]. Van G.M. Lingelsheim1.

    Ternas tuas pr. Kal., III. et VIII. Sept. datas recte accepi, cum longe gratissimo munere Apologiae tuae de Satisfactione Christi, ad quas ideo tardius respondeo, ut desiderio tuo satisfacere possem. Summa cum voluptate et fructu legi tractatum tuum, in quo admirabilem industriam in tuenda coelesti veritate adhibuisti, et rectam rationem propugnandae veritatis ostendisti. Omnia ex fundamentis Sacrae Scripturae et rationibus ita demonstrasti, ut dubii nullus amplius locus relictus sit. Non tu hic pro more aliorum adversarium exagitasti, ut invidiam conciliares, aut in improbitatem adversarii invectus es. Rem ipsam clare et perspicue exhibuisti, et demonstrationibus ita firmasti, ut veritas nuda pateat et fallaciae omnes profligentur. Idem iudicium est omnium, qui laudatissimam hanc tuam lucubrationem legerunt. Cumque hactenus doctrinam tuam in bonis literis ac scientiis admiratus sim, iam etiam exactam peritiam tuam in sacris suspicio et exosculor. Det tibi Dominus vitam et vires, ut porro de Ecclesia et Rep. optime mereri possis.
    Notes



    1 - Gedrukt G.J. Vossius, Responsio ad iudicium H. Ravenspergeri, praef,; Epistolae ecclesiasticae p. 489; Reifferscheid, Quellen I p. 91. Antwoord op no. 527, 528, 529. Beantwoord door no. 551. Ik stel den brief op einde September 1617, maar hij kan ook van lateren datum zijn.
    Het slot van den brief ontbreekt, zooals uit no. 551 blijkt. Reifferscheid meent, dat de uitgevers der Epistolae ecclesiasticae dit opzettelijk hebben weggelaten, omdat daarin Lingelsheim's oordeel over Grotius' De Imperio summarum potestatum circa sacra voorkwam. Ik houd het er voor, dat die uitgevers den brief zelf niet kenden, maar eenvoudig het gedeelte, dat Vossius uitgegeven had, afgedrukt hebben; en Vossius nam enkel over, wat op de Defensio betrekking had.