Search
Add panel
[tiler debug info]
Choose a letter
Nullas a te, Frater, ex Hollandia2 accepi. Puto iam esse quae veniant. Interea amisimus virum innocentiae supra saeculum Bossizium3 magno bonorum omnium desiderio. Is dolor publicum ferme omnis ordinis gaudium super morte Comitis stabuli4 pensavit: nam Regem a domestica servitute liberatum, si non vidit, audiit certe; atque id egregium mortis solatium habuit. Pacem regni sperare certe potuit, de qua rumores diversi. Putatur Rex brevi hic futurus auditurusque Rupellenses legatos, quod utinam recte succedat. Id enim et res intestinae Regni et externae desiderant. Princeps Condaeus5 statim post obitum Luinii ad Regem advolavit, studio occupandi principem6 vacuum et, quod additur, ex bello gloriam. Instrumenta Drentianae litis7 spero recte ad vos et per vos ad Tungrum8 curata.
166
Pretium tabellarii hic omne persolutum est, quod, cum ad vos scriberem, nondum mihi constabat. Solvimus florenos quatuor et semissem. Si quid a vobis erogatum est id poterit repeti, aut in venturas posthac literas imputari. Quem finem habuerit viri optimi Hogerbetii desiderium scire aveo tum ipsius causa, tum quia ad res alias coniecturam praestabit. Vale mi Frater, et parentes atque amicos obsequiose saluta a me et uxore: etiam Reigersbergium si apud vos est, quem rogo eorum quae scribo notitiam impartias. 6 Ianuarii 1622.Tui amantissimus Frater
H. Grotius.
