eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1172. 1627 september 16. Aan Willem de Groot1.

    Redit ad vos, mi frater, Intima2 relicto hic filio, sed excarcerato. Ego quam potui navavi operam consilioque adfui, nam aliarum rerum arcta satis nobis copia est. Gaudeo plane id ei contigisse, cujus causa hic venerat. Obiter etiam Aurelianensem lauream est consecutus, quae fori non ignaro fructuosa erit apud suos Frisios. Litis suae3 spem in tua industria collocatam habet. Hora est una aut altera, cum tuas illas cum Grollanis pactionibus accepi. Hexabibli4 exemplaria amici avide exspectant. Rotterodamensibus constantiam opto et ut in alios exemplaria transeat.

    Puto pervenisse jam ad te literas, quibus Mantuanum negotium commendabam5. Id nunc repeto et de Iacchaeo6. Poterit huc sine damno suo transcurrere et videre, quid e re sua sit. Itineris impendia refundentur.

    Casauboni literas ad Tilenum misi nuper7, quarum editio, aut certe

    169

    αὐτογϱάφων restitutio tibi juxta mea cordi sit rogo. Addo nunc duas ad Fabriottum8, quas a Puteanis9 accepi.

    Hic bellum cum Anglis fervet. Castellum Sanctimartinianum10 obsidetur etiamnum auctum nuper commeatu, quem in finem Octobris suffecturum sunt qui sperant. Regis frater11 est ad exercitum Rupellam clausurus magis novis munitionibus quam oppugnaturus. Eodem rex iturus creditur cis hos octo dies. A Dano legati12 hic exspectantur, qui nunc in Britannia sunt auxilium rebus fessis postulaturi et pacis, si parati ad accipiendam erunt animi, suasores. Pro ea et ego vota facio cum meo libro de Iure belli ac pacis13, quem Buonus, sed jamdudum vanus, se recusurum promittit.

    Vale, mi frater optime.

    16 Septembris 1627.

    De Phoenissis14 quid fiet? Uxorem tuam15 officiosissime meo nomine salutes rogo. Omiseram pene addere id quod vel praecipuum erat, magna opera rogare me ut litem nostram de bonis publicatis16 sine ulla intermissione persequaris.

    Scaphae, quae victum castello Sanctimartiniano intulerant, saucios revexerunt.

    Tuus totus
    H. Grotius.
    Notes



    1 - Gedrukt Epist., p. 799. Wellicht is deze brief enige dagen later verzonden; zie no. 1175.
    2 - Zie over Inthima en de kwestie betreffende zijn zoon no. 1154, p. 138 n. 1.
    3 - Hij was in een proces gewikkeld met de graaf van Embden; zie no. 1052.
    4 - De Veritate religionis Christianae; zie Ter Meulen-Diermanse, no. 944.
    5 - Zie no. 1166.
    6 - Zie no. 1166.
    7 - Zie no. 1166.
    8 - Zie nos. 1166, 1358 en 1359. De brieven waren bestemd voor de uitgave der Isaaci Casauboni Epistulae quotquot reperiri potuerunt, nunc primum junctim editae. Adjecta est Epistola de morbi ejus mortisque causa: deque iisdem narratio Raphaelis Thorii. Hagae Comitis. Ex. officina Theodori Maire MDCXXXVIII. Met Fabriottus zal bedoeld zijn Charles Annibal Fabrot (1580-1659), Frans rechtsgeleerde, vriend van Nicolas Claude Fabry de Peiresc en van Guillaume Du Vair. De bewuste brieven komen overigens in de bovenvermelde uitgave niet voor.
    9 - Zie II, p. 66 n. 7.
    10 - Hiervan is herhaaldelijk sprake in voorgaande en volgende brieven.
    11 - Gaston Jean-Baptiste de France, hertog van Orléans.
    12 - Zie no. 1215, p. 227 n. 7.
    13 - In 1625 bij Buon in Parijs verschenen; zie Ter Meulen-Diermanse, no. 565. De nieuwe uitgave verscheen eerst in 1631 te Amsterdam; zie Ter Meulen-Diermanse, no. 567 en remarque 2 aldaar.
    14 - Zie no. 1082, p. 57 n. 17.
    15 - Alida Graswinckel.
    16 - Zie no. 1169, p. 165 en n. 2 aldaar.