eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1474. 1630 januari 24. Aan Willem de Groot1.

    Literas, quae aberraverant, mi frater, recte ad te pervenisse sane gaudeo. Indiculus quaestionum rabbinis proponendarum2 per oblivionem exciderat, cum eas signarem. Sed eundem in literis ad fratrem Reigersbergium3 eodem tempore misi rogans, ut tibi traderet et errorem meum excusaret.

    Meas quod res attinet, primam habebo rationem ejus libertatis, quae potissima est circa sacra; nec ullus princeps de me advocando voluntatem significavit, qui non eam large promitteret, tum caetera opimiora aliquanto quam hic aut habui aut sperare possum. Deus nobis salutaria aspiret. Ego nemini supplicabo.

    In Germania, ne ignores, imperator4 multis utitur proceribus qui ex Augustana formula sapiunt, in consilio suo, in senatu Spirensi, alibi. Bachovius5 ϰαλβινιϰώτατος palam docet Heidelbergae jus civile sub Bavaro6. Cur ergo nobis locus non sit, quorum sententiam omnes Academiae Augustanae professionis

    158

    probarunt damnata Dordrechtana synodo? Nam πανταχουσιαστιϰὸν δόγμα doctissimorum animus dudum elabitur.

    De catalogo Golii7 puto scripsisse me acceptum mihi pergratum munus et editionem moliri Gabrielem Sionitam8. Phaenissae9 an non alibi edi possunt? Nam Iansonius10 affirmavit habere se Graecos typos, quibus usurus est ad editionem de Iure belli ac pacis11. De Institutionibus12 et lite13 eventum exspectabimus. Salmasio14 optime volo ut debeo. Miror, quid Arsenium15 ab Heinsio16 diduxerit. Sunt qui sperant moderatis Salmasii consiliis inflexum iri Rivetum17, alii contra metuunt. Tilenus18 quotidie Casauboni ad se literas reflagitat, et est, ut scis δεινὸς ἀνὴϱ τάχα ϰεν ϰαὶ ἀναίτιον αἰτιόῳτο. De Smoutio19 nihil miror, nisi quod tam sero. De Normannico jure inquiram ex libris et gnaris, et velim sciat generosus juvenis20 me omnia facturum, quae ipsius ex usu sint. Frater regius21 quo minus veniat, impedimento est quod edicta de aucta ipsi re et praefectura nondum in parlamento probata sunt. Tendit ad Casale cardinalis22 egregio cum exercitu. Spinola23 laborat ut transitus claudat. De pace fervet actio et, quantum video, nostras inducias praecursura est, quod si habeant Galli satis actum sibi existimabunt.

    Vale cum amicis omnibus.

    Lutetiae 24 Ianuarii 1630.

    Tui amantissimus frater
    H. Grotius.
    Notes



    1 - Gedrukt Epist., p. 824.
    2 - Vgl. no. 1467.
    3 - De brieven aan Nicolaes van Reigersberch uit de periode tussen 21 september 1629 en 15 februari 1630 zijn alle verloren gegaan; dientengevolge ook het schrijven, waarop Grotius hier doelt.
    4 - Ferdinand II.
    5 - Reinhard Bachoven (Bachovius ab Echt) (1575-± 1640) in 1605 naar Heidelberg gekomen en rector in 1613/4, 1622/3, 1625/6, 1629.
    6 - Maximilian I, hertog van Beieren en sinds 1623 keurvorst.
    7 - Jacob Golius; over de lijst der door hem uit het Oosten meegebrachte boeken en handschriften zie no. 1447, p. 127 n. 1.
    8 - Zie no. 1366, p. 10 n. 6. De lijst is tenslotte niet door Gabriel Sionita, doch door Pierre Gassendi uitgegeven; zie no. 1447, p. 127 n. 1.
    9 - Het boek verscheen in 1630 bij Jacques Ruart te Parijs; Ter Meulen-Diermanse, no. 496.
    10 - De Amsterdamse cartograaf en uitgever Willem Jansz. Blaeu; zie over hem no. 1456, p. 137 n. 2.
    11 - De herdruk verscheen bij Blaeu in 1631; zie Ter Meulen-Diermanse, no. 567.
    12 - De Inleiding tot de Hollandsche rechts-geleertheyd kwam in 1631 te 's-Gravenhage uit; zie Ter Meulen-Diermanse, no. 757 en rem. 1.
    13 - Het proces aangaande Grotius' verbeurd verklaarde goederen.
    14 - Claude de Saumaise; zie over hem no. 1361, p. 2 n. 10.
    15 - François van Aerssen.
    16 - Daniel Heinsius.
    17 - De Leidse hoogleraar in de theologie André Rivet.
    18 - Daniel Tilenus; over de brieven, die hij voor de uitgave van de correspondentie van Casaubonus wilde beschikbaar stellen zie no. 1448 en no. 1376, p. 19 n. 5. Het citaat is uit Homerus, Ilias XI, 654.
    19 - Zie no. 1469, p. 154 en n. 2 aldaar.
    20 - Rutger Wessel van den Boetzelaer, oudste zoon van Gideon van den Boetzelaer, heer van Langerak, ordinaris gezant van de Republiek in Parijs, uit diens eerste huwelijk met Jenne van Pallandt († 1624); vgl. ter zake no. 1487, p. 175 en n. 7 aldaar en no. 1500.
    21 - Gaston Jean-Baptiste de France, hertog van Orléans.
    22 - De Richelieu.
    23 - Ambrosio Spinola, veldheer in Spaanse dienst.