eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2923. 1637 januari 15. Aan Willem de Groot1.

    Literas a te, frater, trinas jamjam accepi, et datas 3, 9, 20 Decembris2. Puto alias recentiores Caleti obhaerescere ob certamen, quod obortum est inter naves et cursores de vehenii mercede.

    Losecatius3 apud nos bene est. Nos eum ut nostrum curabimus. Et spero ei hanc peregrinatiunculam non infructuosam fore.

    Utenbogardum4 ea, quam scribis, frui libertate gaudeo rogoque eum meo salutes nomine et senectutem ei optes prosperam qualem hactenus ei rara Dei bonitate concessam intelligo.

    Spero jam receperis Mileterii5 et contra Mileterium scripta6, quae, siquid recte judico, necessitatem imponunt remonstrantibus latine aliquid scribendi et committendi inter se homines tanta confidentia sua placita venditantes7.

    Illud de Coddaeo, quod scribis8, aequum est et gaudeo intelligi, quid intersit inter legitimos et conquisitos judices.

    Suedi nostri an ad Coloniensem Conventum mittere debeant, etiamnum deliberant. Illud de minuendo manipularium numero vetus est certamen inter praefectos belli et ordines, sed in quo certamine plerunque hi vincuntur.

    Bannerii9 res, quantum intelligimus, bene procedunt procedentque, ut arbitror, donec eo se tulerit Galassius10, cujus jam copiae apud Argentoratum comparent.

    Parentes11 rogo salutes. Ego eorum, ut primum potero, meminero. Saluta et puerperam tuam12 cum ejus grege13 et amicos.

    Vale, 15 Ianuarii 1637. Qui annus tibi nostrisque omnibus sit felix.

    Tui amantissimus frater
    H. Grotius.

    25

    Puto receperis et D. Graswinckelii opus14, cum brevi meo responso et ad te literis.
    Notes



    1 - Gedrukt Epist., p. 865. Antw. op nos. 2862, 2870 en 2897 (dl.VII); beantw. d. no. 2936.
    2 - No. 2862 dd. 2 december 1636 (dl. VII), no. 2870 (dl. VII) en no. 2897 dd. 22 december 1636 (dl. VII). Grotius vergist zich in de data 3 en 20 december; vgl. de dorsale notities van ontvangst op no. 2862 en no. 2897.
    3 - Diderik van Losecaat.
    4 - Johannes Wtenbogaert (1557-1644), remonstrants predikant.
    5 - Théophile Brachet de la Milletière (tegen 1596-1665), protestants theoloog.
    6 - Zie VII, p. 614 (no. 2907).
    7 - De woorden: ‘Spero jam ... venditantes’ komen als postscriptum voor in de Amsterdamse copie van brief no. 2907 (dl. VII, p. 614); zie aldaar.
    8 - Willem Codde van den Burgh; zie no. 2862 (dl. VII, p. 545).
    9 - Johan Gustavsson Banér.
    10 - Matthias, graaf Gallas, bevelhebber van Ferdinand II.
    11 - Jan de Groot en Aeltgen Borre van Overschie.
    12 - Alida Graswinckel; zij had het leven geschonken aan een dochter, Françoise, geboren op 18 november 1636. Françoise werd gedoopt door Johannes Wtenbogaert.
    13 - De kinderen Johan, Jacob, Maria, Alida, Anna, Titia en Françoise; Titia overleed op 17 januari 1637.
    14 - Betreffende Theod. Graswinckel en zijn geschrift tegen Seldens Mare Clausum zie men VII no. 2588, p. 143 n. 2.