eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3216. 1637 augustus 22. Aan Willem de Groot1.

    Mi frater,

    Literas tuas 4 scriptas Augusti2 mari curatas recte accepi.
    De     munere isto Delfensi scripsi antehac3 cogitata mea, quantacunque in mentem venire poterant tam e longinquo cuncta inspectanti.

    Rogo enixe, ut Cordesio4, viro beneficentissimo, in re aequissima fidam diligentemque naves operam.

    De Breda, ut res est, non possumus non sperare optima, sed ubi ea de hostis desperaverit, huc vires vertet.

    Petrus5 satis se mihi probat. Didericus6 bonum habet magistrum ad ea discenda, quae apud Batavos spectari non solent.

    Rem maritimam apud vos tam negligenter administrari et ego miror et

    508

    quicunque hic sapiunt. Atqui respublica ista mari orta, mari debens omnia, ejus possessione amissa ne terras quidem diu tenebit.

    Acta synodi Alensonianae, quae tota nominatimque Testardus7 et Amirautius8 Mortis Christi pro omnibus intra verba tantum defensores rursum Alisianos Carentonianosque canones e Dordrechtanis fluentes confirmavit, duo illi repetito etiam jurejurando, transcripsit jam Mercerius9 et, puto, misit D. Episcopio10.

    Velim ex archetypo Michaëlis11 duas mihi imagines fieri mihique transmitti. Rogant enim, quibus id negare nequeo.

    Vale cum parentibus, amicis domoque tua.

    Tui amantissimus ut debeo frater
    H. Grotius.

    22 Augusti 1637.

    Opus credo fore, ut sicut versa habeo in Gallicum contractum meum cum civitate Rotterodamensi et indemnitatis promissum, sic et habeam illud Delphensium et siqua alia - de quo scripsi - haberi possunt testimonia. Sed revera melius esset etiam cum sumtu aliquo obtineri versiones publica magistratuum auctoritate firmatas, quales in judiciis scis requiri.
    Notes



    1 - Gedrukt Epist., p. 871. Antw. op no. 3192.
    2 - No. 3192.
    3 - No. 3052 p. 258.
    4 - Jean de Cordes, oud-kanunnik te Limoges; vgl. ter zake no. 3114.
    5 - Grotius' tweede zoon Pieter; hij was juist na een studieverblijf in het vaderland thuisgekomen.
    6 - Diederik, de jongste zoon, bevond zich in het leger van hertog Bernhard van Saksen-Weimar.
    7 - Paul Testard, sieur de La Fontaine, predikant te Blois. De synode van Alençon was gehouden in juli 1637.
    8 - Moïse Amyraut; zie over hem VI, p. 185 n. 16. De synode van Alès was in 1620 gehouden, die van Charenton in 1623.
    9 - E. Mercier.
    10 - De remonstrantse predikant Simon Episcopius.
    11 - Het betreft het portret, dat Michiel Jansz. van Mierevelt van Grotius gemaakt heeft tijdens diens verblijf in het vaderland van oktober 1631 tot april 1632.