eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5465. 1641 november 16. Aan W. de Groot.1

    Mi frater,

    Sampreulio2 praecisae sunt cervices, non tam ob ea, quae adversus Bapalma egressos fecit, quam quod saepius minacia eius verba audita sunt contra potentes, qui occasiones arripere solent semet a metu liberandi.

    Cardinalis Hispanus3 hic cognoscitur vitam clausisse die 6 Novembris et ea re ingens porta patefacta Belgis ad res novas.

    Aira adhuc defenditur. Auxilia Catalaniae Gallicas partes sequenti necessaria ante ver ire non possunt. De Medinisidonio4 in Hispania capto, de Andalusiae defectione rumores fuere, sed falsi.

    Dux Carolus5 quamquam palam hostilia ausus in Gallos, mittere tamen huc non cessat,

    626

    ut sibi neutras partes sequi liceat. Interim Dieusam6 liberavit obsidio et videtur ire, ut augeat copias eorum, qui obsident Hohentwilam.

    Urbs Castri in potestatem venit papae, incertum pecuniis in id emto an excommunicatione territo praefecto.7

    Vale quam optime cum uxore et amicis omnibus.

    Tui amantissimus frater
    H. Grotius.

    16 Nov. 1641.
    Notes



    1 - Gedrukt Epist., p. 929 App. no. 574. Beantw. d. no. 5481.
    2 - François de Jussac, sieur de Saint-Preuil (no. 5273 n. 12), was op 9 november te Amiens onthoofd.
    3 - De kardinaal-infante Ferdinand van Oostenrijk was overleden op 9 november; in zijn brief aan Oxenstierna, no. 5466, vermeldde Grotius de juiste datum.
    4 - Gaspar Alonzo Pérez de Guzmán, hertog van Médina-Sidonia, goeverneur van Andalusië (no. 5041 n. 12).
    5 - Karel IV, hertog van Lotharingen.
    6 - De uitgave der Epist. geeft ten onrechte: Dreusam.
    7 - Delfino Angelieri, goeverneur van Castro voor de hertog van Parma, gaf de stad over op 13 oktober. Vgl. Gazette 1641 no. 146, p. 860, dd. 22 november.