Search
Add panel
[tiler debug info]
Non credas, Vossi optime, quanti hic fiat historia tua Pelagiana2. Omnes tum curiae tum literarum proceres queruntur deesse exemplaria. Inter alios
116
plurimos Sirmondus3, vir scis cujus gregis, sed sane apprime eruditus et aequus eruditorum aestimator, omnibus praedicat nullam controversiam hoc saeculo majore judicio magisque ex vero tractatam. Fac quaeso, ne librariorum culpa pauciores habeas, qui te norint. Etiam tua de Graecis historicis commentatio4 exspectationem excitavit maximam paris alterius de Latinis5.Iamdudum per fratrem rogaveram, ut more tuo curam susciperes relegendi libri mei, quem ex Belgico latinum feci de Religione Christiana6. Ad eundem laborem et Iacchaeum invito7, ut vestro auxilio liber melior prodeat, quando multi hic urgent editionem.
Noomsius8 tuus haeret Aureliani nescio quando huc venturus. Ego studiis ejus quantam potero maximan opem feram et ipsius et tuo nomine.
Vale, vir semper amicissime. 22 Februarii, 1627.
Tuus totus
H. Grotius.
