1666. 1631 augustus 7. Aan Willem de Groot1.

Et quas 21 et quas 28 dedisti literas pariter recepi.

Lupisteinium2 non ultra esse bonorum carcerem gaudeo et patriae gratulor. A Golio3 nihil venire miror ac doleo. Magna supinitas hominum ac publici juris negligentia, cum disputatur, an capita deliberationum synodalium a patriae rectoribus expendenda sint, quod et rex Galliae facere solet apud suos episcopos et Zelandi semper factitavere et quotquot sapiunt. Sic et qui a publicis potestatibus missi conventibus ecclesiasticis adsunt jus intercedendi habere apud omnes mediocriter sapientes semper constitit.

Oxensternium4 ideo non vidi, quia nemo ex comitatu ipsius ad me venit neque scire potui, an gratum facturus ipsi essem. Ultro enim me ingerere legatis non soleo.

Res, de qua scribis, an serio agatur, nescio nec quicquam ejus ad me pervenit. Sed arbitror fore, ut multum refrigeretur rex Suecus5 in Galliae amicitia videns conscriptionem militis et foedere et regis voce sibi promissam, ita subito metu, ut

429

Quae vos respondistis plane probo. Hic quid futurum sit, valde incertum est: habiturusne hoc anno exercitum sit frater regius, an in ver proximum trahendae minae. Rex interim conscribit novum militem, quod nova onera trahit in populum omni malorum genere oppressum. Principes quidam, Guisius10 aliique in aulam vocati, varia praetexunt, ne veniant. De nostris induciis multus adhuc hic sermo et metus.

Parentibus optimis salutem hic addo tuaeque11 et tuis et nostris.

7 Augusti 1631.

Rogo has ad affinem12 et uxorem ubiubi est sine mora cures.

Comites Hohenloii13, qui nunc hic sunt, deliberant de itinere in Angliam, nec ego dissuadeam, ut absentibus illis res in Germania statum quendam accipiant nec ipsi temere se offensis implicent.

De exemplaribus Iuris belli et pacis14 poteris cum uxore constituere. Phaenissas15 adhuc exspecto.

Tui amantissimus frater
H. Grotius.