1914. 1634 februari 17. Aan G.J. Vossius1.

Misi nuper ad te, virorum et amicorum optime, tragoediam a me novam Sophompaneam2, in qua quid mutandum censeas, tuum, ut soleo, judicium exspectabo. Unius interim loci, in quo error est calculi, corrigendi labore te levabo, is est actus quarti scena prima, ubi in Iosephi3 jam fratribus patefacti verbis sic posueram.

nec visi mihi

Totos per annos quindecim amplecti libet, cum scribere debuerim

Plus quam per annos bis decem4.

Nam, ut scis, 17 ferme annorum cum esset, venundatus est Iosephus. Anno aetatis suae tricesimo factus, ut Romani loquerentur, praefectus praetorio. Inde septennis foecunditas Aegypti et biennis fames facilis collectio.

Adiit me his diebus Iacobus Scytte5 jam olim tibi convictu notus et jam tui fruendi causa praecipue Amstelodamum petens. Gaudeo te non librorum tantum foetu, sed et felice discipulorum proventu per orbem nosci.

234

Nunc alia non addo, nisi ut cum dulcissima uxore6 et sobole valeas floreasque. Salutat te nostra.

Hamburgi, 17 Februarii ex novo Kalendario 1634.

Tuus totus
H. Grotius.