2152. 1635 juni 19. Van A. Oxenstierna1.

Nobilis et magnifice Domine legate,

Ante octiduum et adventum meum in has oras et quam in turbato ob pacem Saxonicam2 statu res offenderim, significavi3.

Idem tibi subiectum exemplar literarum Timaei Saxonici4 ad Hildesheimenses confirmabit, quemadmodum et indigitat consilia ipsorum in Gallorum et

37

Idque velim, ut repraesentes regi Galliae7 in eum praecipue finem, ut et legationem8, quam scis, maturet, et pecuniam in subsidium promissam mihi suppeditet ad continendos in obsequio et attrahendos militum animos, cum absque eo non videam rationem aliquam disturbandi huius turbinis.

Video plurimoram resolutiones tendere in oppressionem nostram, quo magis maturabo post anum alteramve diem iter meum versus Magdeburgum ad exercitum nostrum omnia tentaturus in rei nutantis instaurationem, modo ab ista quoque parte consilia mea adjuventur et secundentur; id, quod providere tuae dexteritati committo.

Vale.

T. amicissimus
Axelius Oxenstierna mp.

Dabantur Stadae, die IX Iunij anno M.DC.XXXV.o

Ablegatus regis Franciae S.r Bergardt9 Dresda reversus hac transiit celeribus equis die antecedente appulsum meum. Is vaesana Saxonis consilia et processus referet. Incredibile est, quae consilia hic agitentur in perniciem nostram, ac, nisi divina benignitas ea averterit, non nobis solum, sed toti christianitati maximum dabunt malum. Si ab amicis juvarer, sperarem me egregium praestiturum non regno Sueciae tantum, sed etiam amicis officium. Tu poteris haec monere, ubi se obtulerit occasio.

Vale.

Adres: Nobili et magnifico domino Hugoni Grotio, Sac.ae Reg.ae M.tis et coronae Sueciae consiliario et apud Christianissimam regiam M.tem legato. Lutetiae Parisiorum.

In dorso schreef Grotius: Canc. 9 Junij 1635.