Letter

2330. 1635 oktober 31. Aan P. Schmalz1.

Vir Nobilissime,

Post tuas XXIII Aug. vet. cal. datas, nihil abs te habui multum desiderans ea nosse, quae vestris in partibus geruntur, tum ut si de iis loquendum sit, nihil dicam abs re alienum, tum ut ea esca piscari possim nuntios rerum, quae alibi geruntur. Quid heic agat D. Bonica2, quis status Magontiaci, quis totarum partium sit, ex quo rex3 a Lotharingia huc rediit ex meis ad magnum cancellarium4 literis disces. Illud unum, quod quam fidem mereatur, vos ibi optime iudicabitis, reticere apud te non possum scriptum mihi Varempiterum secretarium5 in gratia esse apud Hungariae regem6 neque eum pudere, iactare se quod dum federatis operam navavit, omnia direxerit in usum Imperatoris7 et pernitiem Suedicae rei.

Besoldus8 magni nominis iurisconsultus, in pontificiorum ecclesiam transiit, idem fecisse audio Nessaviorum Dillenbergensium unum9. De duce Bulionio10 idem hic iactatur, sed nondum satis liquidis rumoribus.

Si quid porro scitu dignum evenerit, non patiar vos ignaros. Te rogo me doceas,

308

quot e Polonia milites Galli conduxerint, quo eant, sintne cum Saxone11 induciae, quid in Prussia retineamus et quamdiu et si quid his simile est.

Vale, vir nobilissime.

Tuae Nobilitati addictissimus
H. Grotius.

Lutetiae, XXXI Octob. nov. cal. [MDCXXXV].

In dorso met andere hand: Stralsundii die 9 decembris 1635.

Navigation

Notes

1 - Copie Den Haag, ARA. Eerste afd. coll. Hugo de Gr. Aanw. 1911 XXIII no. 1, p. 97. Gedrukt Epist., p. 193; Oxenst. Skrifter 2. afd. IV, p. 561. Voor geadresseerde zie p. 205 n. 4. Hs. Stockholm, RA. Eigenh. oorspr. Adres als op p. 235 (no. 2284).

2 - Tobias von Ponikau, raad en gezant van Bernhard van Saksen-Weimar.

3 - Lodewijk XIII van Frankrijk.

4 - De Zweedse rijkskanselier Axel Oxenstierna; de brief is van 31 oktober (no. 2328).

5 - Varempiterus (of Vacempilerus ?) is mij niet nader bekend.

6 - Ferdinand, zoon van keizer Ferdinand II en later - in 1637 - diens opvolger.

7 - Ferdinand II.

8 - Christoph Besold (1577-1638), jurist, in 1609 professor te Tübingen en, na zijn overgang tot het katholicisme (augustus 1635), te Ingolstadt.

9 - Ludwig Heinrich, graaf van Nassau-Dillenburg; zie over hem no. 2319, p. 287 n. 3.

10 - Frédéric Maurice de La Tour d'Auvergne; zie no. 2322, p. 295 n. 16.

11 - Johann Georg, keurvorst van Saksen; hij had op 30 mei 1635 met Ferdinand II de vrede van Praag gesloten; zie V, p. 292 n. 1.

2330. 1635 oktober 31. Aan P. Schmalz1.

Searchform

Fulltext search

Metadata search

Search domain