eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    319

    5209. 1641 juni 3. Van W. de Groot.1

    Frater optime,

    De Spiringio2 iisque, quae ex Graswinkelio3 intellexeram, scripsi proxime. Nunc hoc addam, postridie quam meas misissem litteras, accessisse ad me Graswinkelium et narrasse Spiringium rescripsisse Croesio4 se tuis titulis non invidere, amicum etiam semper fuisse, eos vero, qui Croesio retulerint de instigatione tanquam a se facta ad diminutionem aut dignitatis aut titulorum tuorum, mentiri. Eas litteras Croesius iam acceperit, oportet. Tu videris, quid iam agendum sit et quid Croesio tuo nomine sit relatum. Dolet mihi quod suspicionibus nimium indulseris et rem eo praecipitaveris, unde vix detur salvo honore regressus. Teque quantum possum rogo, ne propter titulos, rem nihili, amicitias veteres dissolvere aut inimicitias tibi novas parare velis; imprimis erga privatas personas, qui de privatis rebus aut communibus studiis tecum agunt, ne nimius sis titulorum exactor. Potest aliqua eiuscemodi rerum inobservantia contemni aut amicitiae condonari aut imperitiae imputari.

    Debyaei5 scriptum Utenbogardus6 non vidit, Episcopius7 an viderit, nescio. Ego non putem ab ipso publicatum. Schonckio8 quod respondes referam; ego ut transactionem cudam, non video neque enim hic ille est, quem ea res praecipue tangit.

    Principes, de quibus scribis,9 habent hic suos actores: Coloniensis Van der Vequium, Neoburgicus Roemerum ignotum tibi, s[t]atus Clivici Graswinkelium, comes Frisiae Nordingium,10 alii alios et praecipue catholicos. Rogarunt me amici, an inter eos, qui iam senatoriam affectant dignitatem,11 nomen meum profiteri velim. Negavi hoc quidem tempore.

    Quo iam res Anglicae sint loco, ex aliis facile intelliges. Straffordium12 capitali supplicio affectum certum est. Archiepiscopum13 de suspendio periclitari scribunt multi. Vides, quam intempestivae iam sint de reconciliatione cogitationes et quam iniquo tempore tua14 sint in lucem proditura. Blavius ait se circa indicem esse occupatum. Video eum non ex nostro praescripto rem gerere, sed suo studere lucro. Ego ei nihil tuorum tradam nisi ex tuo praecepto. Historiam15 vero ita servabo, ut a nemine videatur.

    320

    Quid Galli in Flandria, quid princeps noster acturus sit, dies docebit. Iuvenis Arausionensis16 sane propediem hic expectatur. Sponsam vero adducturus non videtur. Plura iam non occurrunt.

    Deus Opt. Max. te nobis diu servet incolumem.

    Tibi obsequentissimus Frater
    Guilielmus Grotius.

    Hagae, III Iunii 1641.

    Adres: A monsieur monsieur Grotius, ambassadeur de la reine et couronne de Suède, à Paris.

    Bovenaan de brief schreef Grotius: Rec. 11 Iunii.

    En in dorso: 3 Iunii 1641 W. de Groot.
    Notes



    1 - Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 196. Eigenh. oorspr. Antw. op no. 5195; beantw. d. no. 5230.
    2 - Petter Spiring Silvercrona; zie Willems brief dd. 27 mei, no. 5200.
    3 - Dirck Graswinckel (no. 5200 n. 8).
    4 - Vermoedelijk Lars Jespersson Kruus, die zich te Parijs bevond (no. 5132 n. 3).
    5 - Nicolaes de Bye had een brief geschreven dd. 15 april 1641, no. 5145.
    6 - Johannes Wtenbogaert.
    7 - Simon Episcopius (no. 5195 n. 3).
    8 - Daniël Schonck (no. 5183 n. 6); zie Grotius' brief, no. 5195.
    9 - No. 5195.
    10 - Johan van der Veken jr. (†1649?), zoon van Johan van der Veken sr. (±1582-1636), beiden agent van de keurvorst van Keulen te Den Haag; vgl. Nederl. Leeuw 31(1913), kol. 233v. Matthias Römer (†1675), resident van de hertog van Paltz-Neuburg in Den Haag; vgl. O. Schutte, Repertorium I, p. 193v. Vermoedelijk Dirk Graswinckel (no. 5200 n. 8). En Dirck van Noordingen (†1643/4), agent van de graaf van Oost-Friesland in Den Haag en buurman van Willem de Groot in de Raamstraat (gegevens Gemeentearchief Den Haag).
    11 - Zowel in het Hof van Holland als in de Hoge Raad waren in deze tijd vacatures.
    12 - Thomas Wentworth, graaf van Strafford, was op 22 mei onthoofd.
    13 - William Laud, aartsbisschop van Canterbury.
    14 - Grotius' Annotationes in libros Evangeliorum (BG no. 1135) met de vier bijbehorende traktaten, Commentatio de Antichristo, Explicatio de fide et operibus, Explicatio Decalogi en Appendix de Antichristo (BG resp. nos. 1102, 1111, 1118 en 1129).
    15 - Grotius' Annales et historiae (BG no. 741). Eerder had Pieter Cornelisz. Hooft inzage van het manuscript verzocht; vgl. no. 5097.
    16 - Willem II verliet het Engelse hof op 3 juni en kwam op 9 juni in het Goereese Gat aan; vgl. CSP Ven. 1640-1642, p. 160. Mary Stuart, de ‘Princess Royal’, kwam in maart 1642 naar de Republiek.