eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    7231. 1645 januari 2. Van I. Vossius.1

    Mitto paginam unam et alteram Anthologiae tanquam literarum et formae specimen secundum quod dominus Blauwius opus istud edere paratus est,2 si id a voluntate Excellentiae vestrae non fuerit alienum. Dixi ego formam chartae qua folium in octona complicatur,3 non responsuram magnitudini libri, qui et quod crassior erit quam libri [qui] ea forma excudi soleant, minus erit gratus oculis minusque commodus usui. Longe idcirco praestare, ut imprimeretur ea forma qua excerpta sua ex Tragicis et Stobaeo Ex-

    304

    cellentia vestra excudenda curavit.4 Putabat ille, ut solent homines lucri quam honoris avidiores, multum chartae hoc modo periturum; sibi praeterea non esse typos regios, quales typographi Parisienses haberent,5 qui ita commode maiores chartas implerent. Eo itaque inclinabat, ut si liber ille in quarto, ut vocant, esset praelo subiiciendus, hoc excuderetur modo, ut Graeca et Latina columnatim ponerentur in eadem pagina. Sed dubito, an etiam hoc pacto satis decenter opus illud possit prodire. Mallet praeterea Blauwius omittere virgulas tales, qualibus in sua editione usus est H. Stephanus,6 quibus discrevit gentes, fluvios, montes, etc., tum quod inusitatum hoc ipsi sit ideoque forsan molestum, tum etiam quod destituatur talibus formulis.

    Annus ille qui praesens est quique hesterno die coepit, ut cum multis aliis quam felicissime currat, Excellentiae vestrae quammaxime opto. Cum vero Excellentia vestra felicitatem suam non putet perfectam quamdiu alios videt infelices, christianos praecipue, quorum casibus non minus illa tangitur quam suis, voveo, ut quemadmodum Excellentia vestra de pace, et ecclesiae et principibus christianis reddenda, pro ea, qua apud Deum pollet, gratia et apud homines auctoritate, semper laboravit, ita labores et consilia eius felicem aliquando sortiantur exitum utque christiani omnes, qui indefessum Excellentiae vestrae studium et voluntatem etiam hac in parte agnoscunt, tantae felicitatis compotes, ipsum quoque beneficium aeternum recognoscant aeternasque eius beneficentiae agant gratias.

    Iam nunc mittit Blauwius alterum quoque folium excusum in quarto, ut vocant, quod itidem Excellentiae vestrae transmitto.

    Bovenaan de minuut staat: Hugoni Grotio.
    Notes



    1 - Hs. Amsterdam, UB, coll. RK, VI F 30, p. 37-41. Minuut. Beantw. d. no. 7265. De bijlagen ontbreken.
    2 - Isaac Vossius hield in de drukkerij van dr. Joan Blaeu toezicht op de uitgave van Grotius' Anthologia Graeca (BG no. 534) (F.F. Blok, Isaac Vossius en zijn kring, p. 226-233).
    3 - ‘qua folium in octana complicatur’ verbeterd uit: ‘si ea non latius explicetur’.
    4 - De quarto-edities van de Excerpta ex tragoediis et comoediis Graecis tum quae exstant, tum quae perierunt: emendata et Latinis versibus reddita ab Hugone Grotio, Parijs (apud Nicolaum Buon) 1626 (BG no. 468), en de Dicta poetarum quae apud Io. Stobaeum exstant. Emendata et Latino carmine reddita ab Hugone Grotio, Parijs (apud Nicolaum Buon) 1623 (BG no. 458) en 1625 (BG no. 459).
    5 - De ‘grecs du roi’ van Claude Garamond (1480-1561), in 1543 in gebruik genomen door de koninklijke drukker Robert Estienne (1503-1559) (F. Schreiber, The Estiennes, p. 76-77 en p. 86).
    6 - Grotius' aanwijzingen met betrekking tot de ‘indices’ (nos. 7137 en 7198). Een van de edities die Isaac Vossius als voorbeeld diende aan te houden was het Florilegium diversorum epigrammatum veterum, in septem libros divisum, magno epigrammatum numero et duobus indicibus auctum, ed. Henri Estienne, Genève 1566.