Letter

5475. 1641 november 23. Aan W. de Groot.1

Mi frater,

De effigie recte feceris, si cures auferri.2 Est enim hoc et εὐδιάβλητον et isti loco minime conveniens. Exspectabo exempla de Iure belli et pacis,3 sed ea via, quae minimo constat.

Americana diatriba4 iam describitur. Si in Batavis fuisset Latius,5 voluissem ei ostendi suppresso meo nomine. Nunc si quis est alius, qui antiquissimos de America libros bene legerit, eius iudicium cognoscere per te avebo, priusquam de editione certi aliquid statuam.

636

Ἀνθολογία nostra6 tempore opus habet, ut describatur. Exspectabo interim editionem Lucani7 et poematum,8 in quibus velim omitti Graeca epigrammata in imaginem meam ob causas non leves.

Credo nostra ad Cassandrum9 probari paucis, quia pauci sunt tum Scripturarum, tum antiquitatis periti, prope omnes suis partibus mancipati. Tales ego iudices defugio neque facio hili nec quid dicant scire cupio. Ego pontificiis nihil largior nisi quod est in consensu veterum. Animas illico ire ad caelum et quidem fidelium omnes quo loco Scripturae probabunt. Certe veterum id nemo in Scriptura videre potuit. Animas autem in itinere a terra ad caelum purgari Spanhemii10 et multorum hic reformatorum est sententia. Illa Melanchthonis, Heduini, Buceri11 pridem legi et causa fui, cur in Germania recuderentur.

Quod de filio scripsi et Blondio,12 non scripsi quod talia probarem, sed quod facile tale quid aut peius posset accidere.

Aira obsidio liberata est. Faverunt Gallis amnes, caelum, mors cardinalis Hispani13 et obsessi militis virtus.

Libellum meum ad Cassandrum ideo vulgare nolui, quod, priusquam id facerem, vellem eruditissimorum utriusque partis iudicia explorare. Quae cum satis bene procedant, distribuo inter amicos exempla meis impensis cusa.

Tibi obligatissimus frater
H. Grotius.

23 Novembris 1641.

Descripta est celerius quam putaram dissertatio de Americanarum gentium origine. Quare eam mitto tibique committo. Nolo Blavius posthac quod significare vult ad alium quam ad te scribat nec libros alii mittat quam tibi. Vectura librorum et epistolarum ultra XX florenos mihi constabit. Non queror, sed caveo. Nolo ad Mercerium14 quicquam ad me pertinens mittat. Non fecit Blavius quod erat iussus, ut ad Treselium15 mitteret. Sed suas impensas in me derivavit. Nam suos libros adiunxerat.

Navigation

Notes

1 - Gedrukt Epist., p. 929 App. no. 575. Antw. op no. 5462; beantw. d. no. 5489.

2 - Grotius' portret was, tot zijn ergernis, voorin de Annotationes in libros Evangeliorum (BG no. 1135) afgedrukt; zie supra no. 5429 en Willems brief, no. 5462.

3 - BG no. 571; de uitgave verscheen bij Blaeu in maart 1642.

4 - Grotius' De origine gentium Americanarum dissertatio (BG nos. 725 en 726); zie ook infra, postscriptum.

5 - Johan de Laet (no. 5379 n. 7) bevond zich in Engeland.

6 - Uit Willems brieven nos. 5462 en 5489 blijkt dat hier niet Grotius' uitgave van de Anthologia Graeca (BG no. 534) bedoeld is, maar zijn Florum sparsio ad Ius Iustinianeum (BG no. 791), ook wel genoemd: Ἀνθοβολία.

7 - Grotius' nieuwe aantekeningen bij Lucanus verschenen bij Blaeu in 1643 (BG nos. 430 en 431).

8 - De bedoelde uitgave van Grotius' Poemata is niet tot stand gebracht (no. 4995 n. 12).

9 - Grotius' Annotata in Consultationem Cassandri (BG no. 1165) was in september 1641 verschenen.

10 - Friedrich Spanheim (1600-1649), professor theologie te Genève; vanaf 1642 was hij professor theologie te Leiden. Vgl. NNBW X, kol. 953vv. Brieven van hem aan Grotius zijn vanaf 1635 overgeleverd (dl. V, IX, X).

11 - Vermoedelijk [Jean Hotman (ed.)], Sententiae Phil. Melanthonis, Martini Buceri, Casp. Hedionis ..., 1607; zie nos. 5462 en 5472. Het geschrift werd in Duitsland herdrukt in Melchior Goldast (ed.), Politica imperialia, sive discursus politici ..., Francofurti ... MDCXIV, op p. 1276-1291, tezamen met twee andere uitgaven van Hotman, De officio pii ac publicae tranquillitatis vere amantis viri, in hoc religionis dissidio: auctore G. Cassandro (p. 1291-1300) en Catalogus librorum et tractatuum, qui ad pacem ecclesiae reparandam utiles esse possunt (p. 1300-1304; 66 boektitels).

12 - Resp. Cornelis de Groot en Michel le Blon; zie no. 5448 en Willems antwoord daarop, no. 5462.

13 - De kardinaal-infante Ferdinand van Oostenrijk was op 9 november overleden.

14 - Edmond Mercier, gewezen priester met sociniaanse sympathieën. Vgl. dl. VIII, bijlage no. 5; R. Pintard, Libertinage érudit, p. 50. Zie over een zending boeken aan Mercier ook infra nos. 5505 en 5506.

15 - Daniël Tresel te Rouaan (no. 4995 n. 3).

5475. 1641 november 23. Aan W. de Groot.1

Searchform

Fulltext search

Metadata search

Search domain