6509. 1643 november 1. Aan H. Appelboom.1

Clarissime domine,

Non sunt mihi satis cognitae res Suedicae, sed quantum ex illustribus ac nobilibus adolescentibus qui hic fuere cognoscere potui, comitiorum pars maior2 non tam ad nova tributa novosque dilectus feretur quam ad pacem, sed more Gothico, id est, si ea obtineri possit nullo famae, quae omnibus quidem sed maxime regibus curanda est, detrimento. Ego et ut christianus pacem amo et ut Suediae consiliarius puto eam Suediae non inutilem.

Cum Danis existimo simultates nobis fore perpetuas, non bellum,3 si non ob regis senis prudentiam, at ob senatorum nihil boni aut privatim sibi aut publice ex bello sperantium auctoritatem. Sed id propius cognoscetur si quando legati Danici in Suediam venerint. Quanquam et Russicum istud matrimonium suspectum esse Suedis nostris potest, qui multas partes istius imperii tenent victoriae iure.4 Non puto iniquum quod contra Anglorum, qui se parlamentarios dicunt, naves constituit rex Daniae.5 Dum manet controversia, certe regium ius apud reges omnes praevalere debet. Et magna his temporibus semper fuit regum Angliae Daniaeque coniunctio.

Reginae viduae nostrae quod optio data est aut redeundi in Suediam aut alibi vivendi,

658

Domino Flemingio et Suedis omnibus omnia quae a me proficisci possunt, semper erunt exposita.8

Hic exspectamus an marescallus Guebrianus9 bonis iam auctus copiis transiturus sit Rhenum et ibi substiturus. Caetera hic quieta sunt extra quasdam partes inter Languedociam et Aquitaniam, ubi motus sunt contra tributa, non sine metu ne longius gliscant. Id ipsum forte duriores animos ad pacem vertet, quam bonam det Deus, et Claritatem vestram, vir clarissime, servet ac sospitet,

Claritati vestrae studiosissimus,
H. Grotius.

Lutetiae, Calendis Novembris 1643.

Adres: A monsieur/monsieur Appelboom, Suedois, à Amsterdam. Port.

In dorso schreef Appelboom: 1643 - Cal. Novemb.

Adres (volgens de uitgave der Epist.): D. Appelboom.

Bovenaan de copie te Den Haag: Appelbomio.