eLaborate
::: eLaborate options :::
    Show pagebreaks
    Show variations
    Letter



    2034. 1635 maart 28. Aan P. Schmalz1.

    Clarissime Domine,

    Literas Claritudinis tuae ordine accepi inverso: x Martii vet. Cal. datas per Gemmingium2 nudius tertius, Calendis Martiis datas hodie. Scripsi quot fuere Jovis diebus.

    Heppius3 haud dubie alium quaerit, qui sibi imperet. Sophi4 consilia perturbat; ne quid jure queratur, curatum gaudeo. Causam Eliae Diodati5 speciali epistola6 Illustrissimo et Excellentissimo D. cancellario7 commendavi. Aequum est, ut Raschius8 fidem praestet et ut id fiat publice, etiam refert.

    Spiram receptam9 heic per celeres nuntios didicerant. De Augusta et res per se gravis judicatur, et pernitiosum exemplum. Periculosis semper in bello plurium imperiis jam puto remedium adhibuerit cardinalis10 vocato ad tuendum Piccardiae limitem Brezaeo11.

    Ab Asdrubale12 omnia pessima exspecto. Captat aulae gratias damno sociorum. Rumor heic fuerat male ei convenire cum Hannone13; eo futurum, ut heic retentaretur. Si id verum fuit, rem suam novis quibusdam Josephitatibus restituit.

    396

    Ducis Bernhardi14 confectum negotium et constare ipsi cum Illustrissimo et Excellentissimo D. cancellario amicitiam gaudeo. Magnis heic laudibus attolluntur ipsius ad Spiram res gestae. Negotium cum Polonis in ipso, ut video, limine offendit; sed satis adhuc superest temporis ad cruditates istas concoquendas.

    Cardinalis - magno otio coeli clamaret Juvenalis15 - novum instituit collegium virorum doctorum, qui se varie propositis argumentis vincta solutaque oratione exercent. Ipse sigillorum custos16 huic collegio adscriptus est.

    Botruius17, Bruxellis antehac legatus, Balsacum abit. Fervet opus. Ceteros rumusculos in chartis vides, quae has literas comitantur18.

    Vale, clarissime domine.

    Lutetiae, XVIII/XXVIII Martii MDCXXXV.

    Tuae Claritudini addictissimus amicissimusque
    H. Grotius.

    Cetera sermoni reservo.
    Notes



    1 - Hs. Stockholm, RA. Eigenh. oorspr. Gedrukt Ep. Meerm., p. 21; Oxenst. Skrifter 2 afd. IV, p. 553.
    2 - Zie no. 2033, p. 392 n. 2.
    3 - Johan Heppe, agent van Zweden in Frankrijk; de naam staat in cijfer: 57.74.36.223. 55.2010.
    4 - Codenaam voor Zweden.
    5 - Zie over hem no. 1984, p. 327 en n. 7 aldaar.
    6 - No. 2008.
    7 - De Zweedse rijkskanselier Axel Oxenstierna.
    8 - Christoph Ludwig Rasch; zie no. 1984, p. 327 n. 8.
    9 - In februari 1635 door de troepen van Ferdinand II genomen (vgl. no. 1990, p. 336), werd de stad door de Fransen onder Jacques Nompar de Caumont, hertog van La Force, en Urbain de Maillé, markies van Brezé, in maart d.a.v. heroverd.
    10 - De Richelieu.
    11 - Urbain de Maillé, markies van Brezé; zie over hem no. 1960, p. 289 n. 11.
    12 - Schuilnaam voor Jacques de La Grange; zie over hem no. 1960, p. 290 n. 3.
    13 - Schuilnaam voor Manasse de Pas, markies van Feuquières; zie no. 1960, p. 290 n. 2.
    14 - Bernhard van Saksen-Weimar.
    15 - Vgl. Juvenalis, Sat. VI, 394 v.; het betreft de door De Richelieu opgerichte Académie Française.
    16 - Pierre Seguier; zie no. 1821, p. 103 n. 4.
    17 - Guillaume Bautru, graaf van Serrant (†1665).
    18 - Deze papieren ontbreken.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]