Search
Add panel
[tiler debug info]
Choose a letter
Cum proficisceretur Argentoratum, vir meritis literarum clarissime, iuvenis hic Livo2, majus ei beneficium praestare non potui quam si ei ad tuam obviam omnibus humanitatem indicis ministerium praestarem. Simul et te et dignissimum tua amicitia Lingelshemium3 scire volui valere me et vestri memorem vivere recentem etiam a suavissima vestri mentione per colloquium cum Venatore4. Schickardi5, cujus ego eruditionem maxime veneror, desideriis quod nondum satisfeci, haud mea culpa est. Laboro etiam nunc per amicos in Hollandia6, ut situs patriae nostrae exactam descriptionem ex observatione rerum caelestium nanciscar. Quod tardius procedit, quia pauci sunt, quibus adsit et notitia et perfecte elaborata instrumenta. Ego autem satius puto sero solvere quam in malo
132
aere praesertim ei, qui, cum publico plurima dederit, nihil dedit, quod non esset consummatissimum7. Salmasiano8 operi quae aberant misi per eum, qui me interpellaverat eaque recte ad vos pervenisse spero. At ipse Salmasius in Burgundia est gravi satis febre impeditus, quo minus suo more literas illustret, cujus meliorem valetudinem tantum quisque optat, quantum ipsi eruditio cordi est.Vale, vir praestantissime, cum omnibus tui similibus, quos esse non multos arbitror, si satis saeculum novi.
Lutetiae, 24 Novemb. 1629.
