1453. 1629 december 6. Aan Willem de Groot1.

Frater Optime,

Esculenta cum Grollanis2 et quae accedent alia avide exspectabimus. Est hic Iansonius3, qui, si id nobis visum fuisset, Amstelodamo se libros missurum fuisse

135

Rex fratrem5 exspectat et simul securitatem ab illo fine totus imminens bello Italico, nisi pax, quod plerique existimant, occupet. In Atrebatum terras cogitari aliquid a Gallis commentum est non a vero tantum, sed et a veri similitudine abhorrens. Mirum, quae pabula homines quaerant furori suo.

Videbis ex his mercatoris literis citra meam culpam accidisse, quod Barlaei carmina6 tam tarde ad me pervenerint. Si cum fasciculum mitteret, epistolam eodem tempore per tabellarium ad me direxisset, facili res fuisset repertu. Cum tum sero venisset ad me, exspectavi hunc Decembrem, ut quasi suo tempore tradi carmen videretur. Venit in manus cardinalis7 qui et regi, ut scripsi8 nuper, se traditurum recepit. Sed de donativo nihil intelligo, sive displicet, quod rem sacram homo non romanensis tractaverit, sive cardinalem offendit, quod honos ipsi privata, non publica allocutione habitus est. Urgebo tamen quantum fas est. Interim praecipuum bonis praemium laudes ab eruditis abunde Barlaeus refert, quod ei hoc epistolio significo; rogo id cures, ut et illud ad Aysemam9 sequestro D. Mylio10 et ad Medium11 aliud. Iansonius de Schickardiano12 postulato mihi satisfecit, itaque hac cura te libero.

Parentibus, tuae13, tuis, nostrisque omnibus salutem a nobis omnibus nuntiari scito.

6 Decembris 1629.

Tuus tui amantissimus frater
H. Grotius.