eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2580. 1636 mei 6. Van Willem de Groot1.

    Frater optime,

    Tuas IX Aprilis2 ad me datas tum demum recepi, cum alii litteras XVIII. datas jam recepissent; ita jam ludunt nuntii aut variat fortuna maris.

    Pro excerptis ex litteris fratris Pauli3 autographis gratias tibi ago ingentes; quotquot ea vidimus, judicamus nihil prudentius, nihil liberius dici potuisse.

    Ad reliqua ut respondeam, scias Petrum4 jam apud nos hic esse, cum quo de translatione operis tui juridici5 agam; interest ipsius, ut sermonem digestorum familiarem sibi reddat et institutiones tuas omnino devoret, quod eo pacto optime futurum reor.

    130

    Roterodamense consilium pro voto cecidit, nisi quod pro Reullio6 tricas quaerente substitutus est Wilhelmus Dedelius7. Nihil tamen ante Majum agi potuit, sed consules8 habebimus minime malos, ut ex senatoris Reygersbergii9 litteris melius intelliges. Roterodamenses sibi adsciverunt secretarium Henricum Episcopium10 civem suum, filium quondam ibi quaestoris11, hominem bonarum partium.

    De Anthologiae12 editione agam cum domino Vossio13, quocum filius tuus et ego apud juniorem Doubletium14 hodie prandebimus.

    Propugnaculum Scenquianum15 jam ad nos transvolasse pridie Calendas Maii haud dubie intellexeris: egressi sunt inde milites validi circiter quingenti, et trecenti fere aegri aut vulnerati, occisorum numerus ad quadringentes excurrere dicitur. Post unum atque alterum diem qui Cliviae in praesidio erat Hispaniensis gubernator16 petiit, ut sibi suisque exire ex urbe liceret, eaque ut antea neutrarum esset partium adsensum nostri non gravate praebuere, et tubicines ei duos ducendo agmini misere; ita ea urbe pulsi sine caede et sanguine Hispani.

    Nunc negotium pacis hic iterum fervere incipit, Charnassaeus17 quippe Ordinibus exposuit regem Galliarum18 non esse alienum a pacis legibus, dummodo et nos iisdem includamur, et regem Hispaniarum19 assentiri, quod Ordines tam Foederati quam Batavi communibus suffragiis sibi gratissimum esse dempto nemine professi sunt seque eam rem promovere velle dixerunt: Conventui destinatur Leodium, Colonia, Vetera Castra, Trajectum utrumque.

    In Ordinum Hollandiae conventu iterum disputatum est, an Pavo20 munus suum ante reditum deponere debeat an postea, et necdum certi quid decretum est. Roterodamenses jam tres viros suos legerunt Bellimontium21, Mussium22 et Brasserum nostrum23, ut ex iis successor ille detur unus.

    Parentes nostri24 vos omnes salvere jubent, amici item quamplurimi. Petrus proxima vice scribet. Si qua mihi se digna scriptu offerent, non deero; tu quoque vicissim, si quid illic novi est, impertire ne dedigneris.

    131

    Vale frater optime cum uxore et liberis25 a me meaque26.

    Tibi obsequentissimus frater
    Guilielmus Grotius.

    Raptim Hagae, VI. Maii 1636.

    Adres: A Monsieur Monsieur Grotius, Ambassadeur de la Reine et couronne de Suède vers le Roy Très-chrestien A Paris.

    In dorso schreef Grotius: 6 May 1636. W. de Groot.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Antw. op no. 2544; tesamen met no. 2589 beantw. d. no. 2608.
    2 - No. 2544.
    3 - De Venetiaan fra Paolo Sarpi; zie III, p. 153 n. 7. Voor de bedoelde uittreksels zie no. 2544.
    4 - Grotius' tweede zoon Pieter, die om studieredenen in het vaderland verbleef.
    5 - Inleiding tot de Hollandsche rechts-geleertheyd; vgl. no. 2544, p. 73 en n. 8 aldaar.
    6 - Aelbrecht Ruyl; zie no. 2563, p. 107 n. 10.
    7 - Mr. Willem Dedel († 1650).
    8 - Burgemeesters van Rotterdam waren in 1636 Joost Adriaensz. van Coulster, Pieter Sonmans en Johan Hendricksz. van Hogendorp, die tijdens zijn ambtsperiode overleed.
    9 - Nicolaes van Reigersberch; van de periode tussen 28 april en 16 juni zijn er geen brieven van hem aan Grotius bewaard gebleven.
    10 - Henrick Bisschop werd op 28 april 1636 benoemd tot secretaris van Rotterdam, welke functie hij tot 1640 bekleed heeft.
    11 - Wellicht Pieter Reyniersz. Bisschop († 1616), lid van de vroedschap.
    12 - Vgl. VI no. 2407, p. 426 en n. 7 aldaar.
    13 - G.J. Vossius te Amsterdam.
    14 - Het meest in aanmerking komt mr. George Rataller Doubleth; hij behoorde althans tot de kennissenkring van Vossius en Willem de Groot.
    15 - Betreffende Schenkenschans zie VI no. 2241, p. 175 n. 1.
    16 - Francesco Toraldo; zie no. 2543, p. 71 n. 5.
    17 - Hercule Girard, baron van Charnacé, Frans gezant in Den Haag.
    18 - Lodewijk XIII.
    19 - Philips IV.
    20 - Dr. Adriaen Reyniersz. Pauw; vgl. ter zake no. 2543, p. 70.
    21 - Simon van Beaumont, Grotius' opvolger in het ambt van pensionaris van Rotterdam.
    22 - Cornelis Musch.
    23 - Govert Brasser uit Delft; vgl. no. 2624, p. 194 n. 2.
    24 - Jan de Groot en Aeltgen Borre van Overschie.
    25 - Alleen Cornelia en Diederik waren te Parijs bij hun ouders.
    26 - Alida Graswinckel.