eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2708. 1636 augustus 12. Van Willem de Groot1.

    Frater optime,

    Praeterita septimana ad te cum Petro2 simul Amstelodamo scripsi3, nunc domum redux iterum ea, qua soleo, via has ad te do litteras, quippe cum et tibi earum, quas ultima Julii misisti4, debitor sim.

    Abest jam in Selandia Reigersbergius5 atque ideo de compromisso cum Roterodamensibus ineundo6 deque aliis, quae in eam rem faciunt, nihil certi pronuntiare possum, cum totum negotium illius in manu sit. Illud miror petere te Gallice versa documenta7, quae ad causam illam pertinent, namque ante aliquot menses ea mittere me et de iis bene receptis litteras a te accipere memini; ego Guilielmum Veldium8 interpretem adhibuisse me probe novi. De testimonio impletae secundum mandata fidei alia res est, quippe id hactenus exsculpere non potui. Dussenus9 et Adrichemus10 variant in persona, alter Berkelum11 verba fecisse, alter Nobelium12 testatur. Camerlingius noster13 saepe promisit se schedia sua lustraturum, ecquid inde luminis possit accidere, sed promisit tantum,

    318

    nihil vero hactenus praestitit. Quartus qui tunc Delfensum nomine aderat consul Heuvelius14, interea summum obiit diem. Chartas, quae in sacco fuere, itemque quas deputati e domo tua abstulere, frustra quaerimus

    Tu quod vides perisse perditum ducas15.

    De reliquis nuper scripsi, puto et scripsisse Reygersbergium; ego jam hominem, qui a te magni aliquid efflictum expectat, urgere non audeo.

    De rebus nostris hoc habe, venisse huc nudius tertius Pavium16 sed hodie primum in publicum prodiisse ad colloquium cum principe17, quare quid novi attulerit nescimus.

    Interea hodie liber commeatus in castra circa Noviomagum publice indictus est; incertum tamen est, quando princeps hinc profecturus sit, nam cohors praetoria, quae praemitti solet, hic etiamnum est.

    Forestius18 camerae rationali in locum Riccii19 succedet. Legationem Venetam obibit Borelius20, qui cum petiisset ab Ordinibus Hollandis in summo senatu locum isque ei assignatus esset, Catsius21 ea occasione et sibi prospiciendum ratus eundem honorem obtinuit: ita duo Selandi in eum senatum extra ordinem allecti.

    Post longas deliberationes tandem eo pervenit, ut Ordines Hollandiae aliquid statuerint de stipendiis militum. Decreverunt enim iis, qui stipendia praevertunt - sollicitatores vocari scis - de parata pecunia in mensem prospicere atque ita, quot mensibus facturos se promittunt, ex reditibus publicis per singulas civitates ad id assignandis ea lege, ut ad mensem usque Majum earum, quas hactenus erogarunt, pecuniarum solutionem non exigant, sub ejus mensis initium, chirographum debitae sortis cum promissione usurarum accepturi: Nunc tantum de accessionibus quibusdam inter Ordinum Deputatos - comitia enim nudius quartus soluta sunt - disceptatur. Vides in usum militiae expeditum satis hac hyeme fore aerarium, si haec omnia ita procedunt, verum magnum onus et sortis et usurarum sub vernum tempus reip. incubiturum.

    Ego, siquid hic occurrat novi, curabo, ne nescias; tu nostri quoque curam gere.

    Vale et salve, cum tua uxore et liberis22 a me meaque23.

    Tibi obsequentissimus frater
    Guilielmus Grotius.

    Hagae, XII Augusti 1636. Raptim.

    Boven aan de brief schreef Grotius: Rec. 25 Aug.
    Notes



    1 - Hs. Den Haag, ARA. Eerste afd. coll. Hugo de Gr. Aaaw. 1911 XXIII, no. 24. Eigenh. oorspr. Antw. op no. 2691; tesamen met no. 2702 beantw. d. no. 2732.
    2 - Grotius' tweede zoon Pieter bevond zich om studieredenen in het vaderland.
    3 - No. 2702 dd. 5 augustus.
    4 - No. 2691.
    5 - Nicolaes van Reigersberch.
    6 - Het betreft de pogingen door Grotius en namens hem ondernomen om zijn achterstallige salaris als pensionaris van Rotterdam alsnog uitbetaald te krijgen.
    7 - Zie voor deze documenten - zij het niet in Franse vertaling - dl. IV, bijlagen nos. 15-18.
    8 - Grotius' gewezen secretaris Willem Cornelissen van Velden.
    9 - Eewout Jacobsz. van der Dussen; zie III, p. 11 n. 4.
    10 - Vermoedelijk Joost Jacobsz. van Adrichem (1574-1653).
    11 - Gerard Jansz. van Berckel.
    12 - Henrick Willemsz. Nobel; zie over hem IV, p. 468 n. 13.
    13 - Mr. Johan Camerlingh, sedert 1598 pensionaris van Delft.
    14 - Pieter Anthonisz. van den Heuvel, overleden op 5 januari 1636; hij was burgemeester van Delft geweest in 1621, 1622 en 1623.
    15 - Catullus VIII, 1-2: Miser Catulle, desinas ineptire,// et quod vides perisse perditum ducas.
    16 - Adriaen Reyniersz. Pauw; zijn verzoek om terugroeping als extra-ordinarius gezant te Parijs was eindelijk ingewilligd. Zie hieromtrent no. 2511 van Nicolaes van Reigersberch dd. 16 maart 1636 en no. 2543 dd. 7 april van dezelfde.
    17 - Frederik Hendrik.
    18 - Nanning van Foreest; zie no. 2624, p. 193 en n. 12 aldaar.
    19 - Ventidius Riccen; zie no. 2624, p. 193 en n. 11 aldaar.
    20 - Dr. Willem Boreel, baron van Vreendijk, uit Middelburg (1591-1668), op 2 augustus genomineerd; hij was sedert 1627 pensionaris van Amsterdam.
    21 - Raadpensionaris Jacob Cats.
    22 - Cornelia en Diederik waren bij hun ouders in Parijs.
    23 - Alida Graswinckel.