eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2746. 1636 september 6. Van Willem de Groot1.

    Frater optime,

    Beasti me iis, quas XXVIII. Augusti misisti litteris2, quibus ut respondeam hoc habe: Graswinkelium3 jam totum esse in refutando Seldeno4, cujus operis specimen, ubi ventus faverit, spero accipies; de te quid constiturus sit magnus cancellarius5, intelligere aveo, et rursus quid tu de Anthologia tua6.

    377

    Testimonium, ut a Delfensibus habeam, quale desideras, pro viribus annitar; in Roterodamensi negotio7 non multum profici video, et cum senatore8 agam, nequa expediendae rei praetermittatur occasio.

    Petri9 animum omnino a profectione Indicana, et expertus sum et scripsi antehac, esse alienissimum, neque mutabit eum profecturus illuc Mauritius comes10, quamquam et conditiones omnes apud eum jam sunt lectae. Si foro operam addicere velit, puto eam Petro fore non infructiosam et possemus nos in hac parte alicui esse usui, imprimis vero D. senator, qui hoc consilium maxime probat, ut ex ipso, puto, intelliges; ego Petrum ad nos evocavi, ut coram certi aliquid statuere tibique rescribere possimus.

    Salmasium11 senatoria dignitate auctum laetor; audio ad nos reversurum, quod sane malevoli non optant, nos vero amici omnes desideramus.

    Quomodo se res in Gallia habeant, ex te filiove12 saepiuscule discere aveo; apud nos nihil fere geritur. Princeps13 naves multas etiamnum penes se retinet, quanquam tempestas anni ferre non videtur ut magni quid capessat, certe non circa oram Flandricam.

    Anglorum rex14 in instituto suo perseverat, ut exercitium marini dominii sibi velit vindicare. Navis, quae e Persia in portum Hitlandicum appulit, ab aliquammultis Britannicis quasi circumcidetur; misit et eo societas Indica aliquas et nostris, quis futurus sit rei exitus, in incerto est. Dorpius admirallus noster15 omnium hic sermonibus vapulat, et apud Ordines accusatur, quas redux excusationes in promtu habiturus sit, videbimus.

    Ordines Hollandiae queruntur se multa circa ultimum cum Gallia tractatum16 ignorasse, quae tamen scire debuerint, idque Pavio17 imputatur.

    Magna hic rationum et aerarii conturbatio est; in castris bis lustratio militum est instituta et secunda vice longe minor numerus repertus quam priore, quod Ordines male habet et milites, quibus pessime solvitur, alienores reddit.

    Hamburgo accipimus Banerium18 et Stalhausium19 copias Saxonis20 fere ad internecionem usque cecidisse; ita nuntiant, qui Amstelodamo litteras accipiunt; dulce mihi est progressus Suecorum, quando de nostris vix ulla spes, intelligere, tam tua quam publica causa.

    378

    Deus O.M. te orbi christiano nobisque diu servet incolumen, Brandanum Detrii21 adverso vento hic etiamnum detineri puto, quanquam aliquot diebus hominem non vidi.

    Tibi obsequentissimus frater
    Guilielmus Grotius.

    Hagae, VI. Septembris 1636.

     

    F[i]lio salutem dicas rogo, cui ut scribam, angustia temporis prohibet.

    Adres: A Monsieur Monsieur Grotius, Ambassadeur de Suède A Paris.

    In dorso schreef Grotius: 6 Sept. 1636 W. de Groot.

    Boven aan de brief: Rec. 27 oct.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 24. Eigenh. oorspr. Antw. op no. 2732.
    2 - No. 2732.
    3 - Theod. Graswinckel; vgl. ter zake no. 2588, p. 143 en n. 2 aldaar.
    4 - Over John Selden en zijn Mare clausum zie V, p. 515 nn. 7, 8 en 9.
    5 - De Zweedse rijkskanselier Axel Oxenstierna.
    6 - Zie over deze Anthologie VI no. 2407, p. 426 n. 7.
    7 - Het betreft de pogingen voor Grotius ondernomen om zijn achterstallige salaris als pensionaris van Rotterdam alsnog uitbetaald te krijgen.
    8 - Nicolaes van Reigersberch.
    9 - Grotius' tweede zoon Pieter, die zich om studieredenen in het vaderland bevond.
    10 - Johan Maurits, graaf van Nassau-Siegen; zie no. 2726, p. 345 n. 13.
    11 - Claude de Saumaise; zie no. 2727, p. 346 en n. 7 aldaar. Vgl. ook no. 2732.
    12 - Diederik, die zich na een verblijf om studieredenen in het vaderland weer bij zijn ouders in Parijs bevond.
    13 - Frederik Hendrik.
    14 - Karel I.
    15 - Filips van Dorp (1587-1652), luitenant-admiraal van Holland.
    16 - Bedoeld is het subsidieverdrag, dat na moeizaam onderhandelen op 6 september 1636 in Den Haag werd ondertekend. Zie Waddington, Les Provinces Unies I, p. 283; zie ook [Lieuwe van Aitzema], Verhaal Van de Nederlantsche Vreede-Handeling. In 's Graven-Hage, By Jan Veely, Boeckverkooper inde Gort-Straet, Anno 1650, Eersten Deel, p. 346.
    17 - Adriaen Reyniersz. Pauw.
    18 - De Zweedse generaal Johan Gustavsson Banér.
    19 - Generaal-majoor Torsten Stålhands.
    20 - Johann Georg, keurvorst van Saksen.
    21 - Brandan Dätri, luthers theoloog uit Hamburg, die als huispredikant van Grotius in 1636 naar Parijs kwam; zie VI no. 2369, p. 364 en n. 3 aldaar. Vgl. ook VI, nos. 2377 en 2417.