eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4468. 1640 januari 14. Aan C. Barlaeus1.

    Viro rarae eruditionis et eloquentiae Caspari Barlaeo, professori.

    Vidi, poetarum et oratorum clarissime, vincto solutoque sermone laudes, quas pro rostrata corona Trompio2 dedisti3. Multum tibi debent illustres animae quarum nomina tradis immortalitati. Multum et patria, cujus vice fungeris, meritis eam, quae maxima est, gratiam referendo. Quis non mortis pericula contemnat, qui modo pretium suae virtutis tua carmina orationesque intelligat? Etiam Suedia, patria nunc mea, non parum tibi debet, tum quod ipsius quoque tam benigne mentionem facis, tum quod egregium illud a Batavis mari4 partum decus imminuit domum imperatori connexam atque indivulsam acciditque opes hostibus alioquin nostris5 profuturas.

    Adjungam votum, ut quem tu fortibus factis habes honorem, is et eloquentibus tuis dictis habeatur.

    Tuae Clar. studiosissimus
    H. Grotius.

    XIV Ianuarii MDCXXXX, Lutetiae.
    Notes



    1 - Copie Rotterdam, Gem. Bibl., coll. Rem. Kerk, cat. v. hss. no. 674. Gedrukt Epist., p. 592.
    2 - Maarten Harpertsz. Tromp; bedoeld is zijn overwinning op de Spaanse armada bij Duins (21 oktober 1639).
    3 - Casparis Barlæi Oratio panegyrica, de victa Hispanorvm regis classe, Federatorvm Ordinvm auspiciis, Archithalasso, Celsissimo Arausiorum principe, Frederico Henrico, Duce facti, fortissimo Heroe, Martino Trompio, maris Vice-Præfecto, Recitata in Illustri Amstelodamensium gymnasio XIII Novemb. Anni MDCXXXIX. Amstelodami, Apud Ioannem & Cornelivm Blaev, MDCXXXIX.
    4 - Ontbreekt in de uitgave der Epist.
    5 - Ontbreekt in de uitgave der Epist.