188

4588. 1640 april 7. Aan Christina van Zweden1.

Serenissima ac potentissima regina, domina clementissima,

Princeps elector2 compos jam libertatis, nisi quod promisit non exire de Gallia nisi rege volente, bene exceptus a rege et regina3 et hujus aulae primoribus multum debere se augustae Majestati tuae agnoscit gratiasque ei agit non ignorans plurimum sibi profuisse tuae Majestatis literas4 et quae ego ejus nomine regi jussus sum dicere; quae regi pergrata fuisse praedicant ii, qui hic plurimum valent.

Nunc rogat princeps elector velit Majestas tua beneficia beneficiis cumulare suamque auctoritatem et opem conferre ad sublevandas res afflictas domus illustrissimae, quod me significaturum augustae Majestati tuae libenter recepi nec aliud addam, nisi preces ad Deum, Serenissima ac potentissima regina, domina clementissima, ut vitam, bonam valetudinem et res augustae Majestatis domi bellique tueatur et prosperet.

Augustae Majestatis tuae obedientissimus subditus
H. Grotius.

Lutetiae, 7 Aprilis novi Cal. 1640.