eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4607. 1640 april 17. Van I. Jasky1.

    Illustrissime et excellentissime domine, domine observandissime,

    Duplici nomine iam laetatur aula Polonica: ob liberatum principem Casimirum2 et natum ex Renata regina3 1 Aprilis principem4. Primum, quod in insperatis accidere solet, multos perculit nec fidem invenit, donec iteratis vicibus nunciaretur multis hoc praesertim mirantibus eum, qui per biennium in arctissima fuerat custodia et cuius liberatio propemodum desperata erat, iam a rege christianissimo singulari benevolentia prosequi et a magnatibus coli.

    Conventus quidam provinciales nuntiis suis, quos ad comitia generalia regni mittunt, in mandatis dederunt, ut publico nomine rationes sibi dari a regia Maiestate5 postulent,

    216

    cur inscia republica ex regno Viennam ad imperatorem6 discesserit; deinde ut feudum Iacobo Curlandiae duci7 a regia Maiestate non explorata prius voluntate reipublicae concessum ipsi adimatur et illud a republica debito et solemni modo obtineat. Postremo ut summopere contra vicecancellarium regni dominum Ossolinsky8 - quem omnium hactenus in Polonia turbarum authorem volunt - conquerantur et ut ab officio vicecancellarii removeatur a regia Maiestate contendant. Haec tam gravia postulata quo animo regia Maiestas sit acceptura et quis exitus comitiorum futurus sit, quivis augurari potest?

    Quem finem dissidiae, quae inter Batavos et regem Daniae intercedunt, habiturae sint, avide exspectamus. Nam plurimum commercia turbant, imprimis edictum illud nuperrime in Hollandia promulgatum9, quo omnia commercia Batavis cum Danis prohibentur. Vereor, ne Danus, dum reditus suos per intolerabilem illam exactionem augere nititur, valde deminuat et insigne damnum patiatur. Inexplebilis illa teloneorum sitis acribus remediis restinguenda erit.

    Excellentiae vestrae prosperrimam valetudinem et omnium rerum fortunatissimos successus exopto.

    Excellentiae vestrae obsequentissimus
    I.K.D. Jasky mpp.

    Dantisci, 17 Aprilis A.o 1640.
    Notes



    1 - Hs. Utrecht, RA. Prov., Arch. Boetzelaer 556, 28. Eigenh. oorspr. Beantw. d. no. 4654. Israël Köhne, genaamd von Jasky, was een invloedrijk burger in zijn vaderstad Danzig.
    2 - Jan II Kazimierz.
    3 - Cecilia Renata.
    4 - Sigismund Kazimierz.
    5 - Wladislas IV (VII) van Polen.
    6 - Ferdinand III, met wie Wladislas in de herfst van 1638 nabij Wenen geheime besprekingen had gevoerd.
    7 - Jacob Kettler (1610-1682), hertog van Koerland. De kwestie van het genoemde leen wordt uitvoerig behandeld in Allgem. Deutsche Biogr. XIII (1881), p. 540 i.v. Jacob, herzog von Kurland.
    8 - Jerzy Ossolinski.
    9 - Waerschovwinge dd. 14 maart 1640; zie no. 4565 en n. 3.