eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4867. 1640 oktober 6. Aan A. Oxenstierna1.

    Excellentissime atque illustrissime domine,

    Quod de Taurinorum urbe vulgatur, hoc est: principem Thomam2, cum videret eruptionem, quam cum septem millibus die Septembris 14 fecerat, ideo fuisse irritam, quod a Leganesio3 minus constanter oppugnata essent castra, propius voluisse consulere rebus suis tentatisque pactionibus, datos utrinque obsides et postquam conventum esset, exiisse Hispanos die 24 ingressumque in urbem Harcurtium4 die eodem. Rerum periti non dubitant, quin celentur ea, quae convenerunt.

    Dicitur hic imperator id omni modo agere, ut regina mater Suediae5 nubat regi Daniae Pomeraniamque habeat dotalem, ut sic rex Daniae bello in Suedos implicetur.

    Catalani Rosas oppidum cepisse dicuntur ac plane erecti in spem libertatis.

    Captus est a Gallis praefectus S. Audomari6. Ipsi quoque urbi factae insidiae, sed sine eventu. Manent adhuc apud Peronam in armis regii duces militesque et cardinalis Hispanus inde non longe cum exercitu XXV millium.

    Rex magnae Britanniae et nobilitate et civitate Londinensi id rogantibus vix effugere poterit, quin iterum convocet Angliae parlamentum7; quod si est, reperientur ibi forte

    553

    rationes pacandi Scotos, non tamen plane ex voto regis et episcoporum. Nam Scoti postquam in Angliae regnum sunt ingressi, valde benigne se adversum Anglos gerunt captantes eorum gratiam in causa satis populari. Interea Hiberni descensum in Scotiam parant, Scoti vero sperant id periculum se posse propulsare.

    Novi praeter haec nihil habemus neque ejus multum sperandum est, antequam ver redeat.

    Deus, Excellentissime et illustrissime domine, det reginae, regno Suedico, tuae Sublimitati cuncta prospera.

    Sublimitatis tuae cultor devotissimus
    H. Grotius.

    Lutetiae, 6 Octobris anni 1640.

     

    Dicitur ad motus Catalanicos fovendos ivisse archiepiscopus Burdegalensis8. Insideri ab iis Pirenaei aditus.

    In Lotharingia et Burgundia geritur nihil. Exercitus Gallicus est apud Peronam, Hispanicus variis in locis, maxime apud Duacum.

    Adres: Axelio Oxenstiernae, sacrae reg. Maj. regnorumque Sueciae senatori et cancellario.
    Notes



    1 - Gedrukt Epist., p. 647; Oxenst. Skrift. 2. afd. IV, p. 76.
    2 - Tommaso Francesco van Savoye.
    3 - Diego Mexía Felípez de Guzmán, markies van Leganés, Spaans goeverneur van Milaan.
    4 - Henri de Lorraine, graaf van Harcourt-Armagnac.
    5 - Maria Eleonora van Brandenburg, weduwe van Gustav II Adolf. Zij had zich in het geheim naar Denemarken begeven.
    6 - Gilles d'Ostrel de Lières; vgl. no. 4865 n. 3.
    7 - Het ‘Long Parliament’ kwam op 13 november 1640 bijeen.
    8 - Henri d'Escoubleau de Sourdis, aartsbisschop van Bordeaux. Hij leidde de operaties ter zee tegen Spanje.