5151. 1641 april 20. Aan A. Oxenstierna.1

Excellentissime et illustrissime domine,

Facto Galliam inter et Portugalliam federe2 mittuntur hinc illuc marchio Breszaeus, marescalli filius, ut legatus extraordinarius, Boulaeus ut ordinarius.3 Ibunt cum iis aliqui turmarum duces, quibus equos ipsi praebebunt Portugalli. In Catalania Motta Hodincurtius4 Taragonem versus agmen duxit victoriam de hoste sperans.

Dux Lotharingus5 Barrum profectus est. Ad bellum fortiter gerendum multis in partibus parantur omnia. Sed incommode his temporibus intervenit Sedanense negotium, quando pro certo habetur et ab ipso praedicatur cardinali fedus6 inisse comitem Suessionensem et duces Guizium, qui Remensis archiepiscopus dictus est hactenus, nunc pro sacerdotio nuptias mavult, et Bulionium; pecunias his ab Hispano numeratas turbandae Galliae. Constat comitem Suessionensem ipsum cum suis egressum Sedano arma movisse in Gallos regis milites, qui a Lutzenburgo commeatus Sedanum ire prohibebant, nec minus constat Beckium,7 qui pro Hispano Lutzemburgum regit, saepe visum Sedani. Haec faciunt metui, ne rex vim in Belgas paratam vertat in Sedanum, cuius principatum si probabili colore aliquo ad se trahere poterit cardinalis, non omittet pulchram occasionem augendae et securitatis suae et gloriae. Nam Bulionii a Marca, quibus pater huius ducis Bulionii Sedanum supposito uxoris primae testamento eripuisse dicitur,8 facile ius, cuius possessionem desperant, in potentiorem sunt transcripturi com-

249

Principi Thomae, ut attigi antehac, rex Hispaniae uxorem et liberos10 remittit. Dabit illi quinque peditum millia, equites mille sexcentos, stipendiis Hispanicis, praeterea ad alias copias alendas sex mensibus aestivis, quibus in apertum proceditur, quinquaginta millia scutatorum in menses singulos, in hybernos menses millia eiusdem pecuniae viginti.

Romae cum Gallis resurgunt controversiae, sed quae intermoriturae putantur revocato huc legato, illuc nuntio.11 Post Windebanchum venit huc Montacutius,12 unus eorum, qui a parlamento Angliae proscripti sunt. De motibus in Arragonia rumores quidem hic sunt, sed perincerti.

Deum rogo etc.

Lutetiae, X/XX Aprilis MDCXLI.

Marini,13 viri diligentis et probi, plane me miseret. Rogo Sublimitatem tuam, ut gravissimis quae eum premunt molestiis eximatur.

Dux Lotharingus abiens uxorem suam14 vidit praesente episcopo Lexoviensi.15 Quid actum sit, incertum est.

Leganesius16 ex itinere in Hispaniam coepto reversus Mediolanum mille equos emi iussit in Germania.

Rex duci Lotharingo abeunti donavit decem millia novae monetae ludovicorum, decem francos valentium. Dux Bulionius conscribit turmas equitum quindecim, viginti peditum centurias. Literae ad missos a Leodiensibus17 hic retentae sunt, ideo quod eis diffiditur. Audimus quatuor naves Batavicas plenas armis et belli apparatu appulisse in Portugalliam.18

Bovenaan de brief in de copie te Leipzig: Argumentum. Auxilia Lusitanis destinata. Consilia Suess[i]onensis; nec non cardinalis contra Sedanum. Pacta regis Hispani cum principe Thoma Sabaudico. Varia nova.