eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5496. 1641 december 9. Van W. de Groot.1

    Frater optime,

    Laetor sane aliquos illic, ubi iam vivis, protestantes reperiri, quibus tua Annotata ad Cassandrum2 probentur, imprimis vero Codurium3 ea doctrina iisque conditionibus, quibus eum depingis. Vossius4 ut aliqua moneat, quae mutari possint aut debeant, vix puto obtineri posse. Male enim sibi metuit ab iis, quos in te concitasti, ideoque periculosae plenum opus aleae esse iudicat et silentiarium, ni fallor, aget. De confessione Graecarum ecclesiarum Baiazethi oblata5 inquiram; caeterum et illud scire velim, ecquid veri sit in novis Gallicis super somnio Turcici imperatoris,6 quod nuper vulgatum est. Calvini locum7 expectabo.

    Portesii8 versionem Gallicam Psalmorum in ecclesiis cani lubens intelligo. Si fieri potest, rogo et versionis et modulorum exemplar habeamus addito, quibus in ecclesiis iam is usus invaluerit. Blaviis spem feci et insuper faciam imprimendi tua in Vetus Testamentum,9 dummodo bonos na[n]ciscantur correctores. Vellem participem me fecisses responsi tui ad Spiringium10 super calumniis utrique vestrum iniectis missi, quod in calce epistolae tuae11 promiseras; id oblivioni datum nollem.

    661

    Sexto huius mensis summo mane obiit cognata nostra Gertrudis Dussena, uxor Basii,12 in praedio suo Holiano, cuius mortem vir septuagenarius aegre sane fert. Ego eum hodie consolatus sum. Narravit eam in suis amplexibus christiane admodum expirasse et tibi salutem nomine suo nuntiari iussit.

    Nuper in conventu Ordinum13 magnis animis Harlemenses et Lugdunenses invecti sunt in propositionem Summi Senatus, qua Stridenus et Cloeckius14 destinantur collegae dixeruntque per foedus Ultraiectinum15 arceri ab omnibus muneribus homines, qui publicos reformatorum coetus non frequentent. Sed nihil super ea re decretum. Interea Catsius16 rem protrahit.

    De Aira doleo, praesertim quia ante octiduum de liberatione scripseras.17

    Vale, frater optime, cum uxore et liberis.

    Tibi obsequentissimus frater
    Guilielmus Grotius.

    Hagae Comitis, IX Decembris 1641.

    Adres: A monsieur monsieur Grotius, ambassadeur de la reine et couronne de Suède, à Paris.

    Bovenaan de brief schreef Grotius: Rec. 19 Dec.

    En in dorso: 9 Dec. 1641 W. de Groot.
    Notes



    1 - Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 223. Eigenh. oorspr. Antw. op no. 5483; beantw. d. no. 5512.
    2 - BG no. 1165.
    3 - Philippe Codurc (no. 5230 n. 10); zie ook no. 5483.
    4 - Gerardus Joannes Vossius.
    5 - Zie no. 5483 n. 8.
    6 - Ibrahim, sultan der Ottomanen. De Gazette 1641 no. 148, p. 853-857, ‘Extraordinaire’ dd. 27 november, bevat een artikel ‘Les visions et comètes apparues au Grand Seigneur, avec leur interprétation.’
    7 - Zie no. 5472 n. 7 en Grotius' brief no. 5512.
    8 - Philippe Desportes (no. 5483 n. 10).
    9 - BG no. 1137; het werk verscheen in 1644 bij Cramoisy te Parijs.
    10 - No. 5488.
    11 - No. 5483.
    12 - Geertrui van der Dussen (geb. 1578), oudste dochter van Jacob Huygensz. van der Dussen en Geertruid Willem Jansz. van Heemskerck. Zie ook no. 5032 n. 19 en 5319 n. 7. Zij was gehuwd met de rekenmeester Johan Basius (no. 5380 n. 10), sinds 1614 heer van Holy; zie ook D.P.M. Graswinckel, Grasw., p. 108vv.
    13 - Zie Res. SH dd. 26 november 1641.
    14 - Mr. Cornelis van Strijen en mr. Pieter Cloeck (no. 5245 n. 16).
    15 - Art. XIII van de Unie van Utrecht (1579) luidt: ‘Ende zoeveel 't poinct van de religie aengaet, sullen hem die van Hollant ende Zeelandt draghen naer haerluyden goetduncken ...’; vgl. S. Groenveld-H.L.Ph. Leeuwenberg (ed.), Unie v. Utr., p. 34v., 41v.
    16 - Jacob Cats.
    17 - No. 5475 dd. 23 november.