Letter

1088. 1626 juli 10. Aan Willem de Groot1.

Mitto ad te, mi frater, quatuor libri nuper editi2 exemplaria. Neque enim plura ferre potuit Oldenbarneveldius3. Et haec ipse doleo, quod tarde ad te perventura sunt, quia ille in Brabantia subsistet. Horum quatuor unum rogo pater et tu commune habeatis, donec aliud mittendi detur occasio. Secundum destino senatori Reigersbergio4, cujus fratribus5 in Zelandiam mittam cum potero, tertium Vossio cum literis6, quartum Hoofdio7. Ex incompactis, quae jam ad te pervenisse arbitror8, rogo unum detur Wilhelmo nostro9, de cujus rebus pridem nihil intelligo.

Rex a Nannetibus, quo excurrerat, huc redire dicitur. Mitto simul ad te versionem latinam sex librorum de Veritate Christiana10, quam a me hic amici

impetrarunt et urgent, ut edam. Sed pauca quaedam hic theologis non satis probantur. Consule Vossium, an sine offensa et sine ulla mutatione Lugduni edi possit et addi Latina Catechesis11 mea, quam ibidem ex Belgica versam habere vos arbitror. Si procedat editio, oportebit ad nos aliquot exemplaria mitti, sed de charta meliore; nam quae alius sunt generis hic spernuntur. Avebo etiam scire, ecquid Senecae Notae12 edantur et quid de Phoenissis13 sentias. Nos jam ad novam de jure belli ac pacis editionem14 accingimur.

Vale, mi frater, a me et uxore, simul cum parentibus optimis et aliis, qui nos sanguine, affinitate, amicitia contingunt.

Lutetiae 10 Iulii 1626.

Tuus totus
H. Grotius.

Navigation

Notes

1 - Gedrukt Epist., p. 791. Zie ook no. 1089.

2 - Excerpta; zie no. 1061, p. 30 n. 7.

3 - Reinier, de zoon van Elias van Oldenbarnevelt, welke laatste een broer van wijlen de landsadvocaat was en van 1586 tot zijn dood in 1612 pensionaris van Rotterdam; vgl. nos. 1089, 1091 en 1093; zie ook no. 844 (dl. II, p. 300).

4 - Nicolaes.

5 - Johan en David.

6 - No. 1087.

7 - Zie ook no. 1084.

8 - Zie no. 1082.

9 - Willem van de Velde, Grotius' gewezen secretaris; zie no. 992 aan het slot (dl. II, p. 459).

10 - Zie Ter Meulen-Diermanse, no. 944 met opmerkingen. Voor de ed. sec. ibid., no. 946.

11 - Zie II, p. 328 n. 8; de latijnse vertaling van de hand van de auteur is eerst in 1635 te Amsterdam verschenen; zie Ter Meulen-Diermanse, no. 78.

12 - Zie no. 1051, p. 12 n. 3.

13 - Zie no. 1082, p. 57 n. 17.

14 - Zie no. 1087, p. 60 n. 5.

1088. 1626 juli 10. Aan Willem de Groot1.

Searchform

Fulltext search

Metadata search

Search domain