2885. 1636 december 12. Aan G.J. Vossius1.

Semper quidem, vir eximie, summa cum voluptate lego literas tuas: sed eas jam suaviores mihi fecit ipsa exspectatio. Frequenter nunc accidit, ut naves saepe ventus, saepe et absentia praesidio futurarum navium moretur: eoque epistolae multo quam destinantur adventent serius, quod nunc illi meae2 accidisse nihil miror.

Sed imprimis Philolaum3 recte pervenisse gaudeo. Nam scriptori ejus nuper me interpellanti dolebam certe nihil respondere potuisse. Hortensio4 Blavioque5 judicibus, aut prematur aut exeat, id opus: sed si exiturum est, cito exeat, ne Blavianae tarditatis ad Meursium6 novus accusator accedat. Ad ἀνϑολογίαν7 edendam obtulit se et Morellus8. Ego amicitiae causa praeferrem Blavium, sed his legibus, si typi satis nitidi tibi videntur, si homines habet idoneos, qui typotheton peccata corrigant, quique indicem faciant locupletem poëtarum, hominum ad quos et de quibus scribitur, historiarum locorum quaeque alia scitu utilia inspectis, quae plurimum ad id lucis conferent Brodaei9 notis et meis, quae addam, Prolegomenis; addendum et hoc, si definiti temporis, quando visurus sit lucem liber, certus ex syngrapha esse possim.

Salmasium10 eaedem, quas dixi, remorae detinuere.

Tuum de Idololatria librum11, simul venerit, avide vorabo. Argumentum erat dignissimum tractari ab eo, qui abstrusae antiquitatis intima nota habeat.

581

Bona accessio erit filii Maimonides12, Iudaeorum prope solus sani judicii.

Philyram Heinsianam13, ubi prodierit, spero ad nos amici mittent, ut cogitemus, an abjicienda nobis sit de notis nostris14 poliendis - nondum enim edendis dico - cogitatio. Si tecum essem, etiam de historia Belgica15 quid faciendum esset, consilium tuum exquirerem. Nunc vero totum me etiam subcesivis temporibus Suediae dedi16: σπάϱταν ἔλαχον͘ τάυτην ϰοσμῶ17. Veterum Gotthorum res et praeclare facta undique exquiro et in lucem traho.

Procopium18 quando edituri sint Elzevirii cum versione Vulcanii19, quam interpolaturus est Heinsius20, scire juvabit. Ego Gotthica tantum et Vandalica verti instituto meo serviens: habeoque, habent et illi, supplementa ἐλλειμμάτων e Vaticana. Ego praeterea Haeschelianam editionem21 cum duobus manuscriptis regiae bibliothecae contuli: multisque eam locis tum eorum librorum auxilio tum conjectando emaculavi. Edam aliquando cum omnibus testimoniis a Plinio22 ad Helmoldum23 usque ad res Suediae Gotthiaeque pertinentibus, ut genti sua dignitas constet minime suspectorum testium fide. Accedent prolegomena, meo more, non parca. Sed haec tibi ut amico veteri dicta sunto.

Petrum24 meum se vobis probare gaudeo. Tibi, uxori25, liberis26, ego, uxor, liberi27 optamus felicissima.

Tui studiosissimus
H. Grotius.

Lutetiae, XII Decembris MDCXXXVI.