eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    15

    2503. 1636 maart 10. Van Willem de Groot1.

    Frater optime,

    Magna nos laetitia affecerunt tuae, quas ad me [X]XI Februarii2 dedisti, litterae prosperum filii tui3 junioris adventum nuntiantes. Ea, quae curari cupis, quantum in me erit curabo: et Petro4 hortator ero ad graviter continuandum, quod ipse sibi elegit juris studium conjungendaque ea, quae ipsi usui futura recte judicas.

    Postea praepostero ordine accepi epistolam VII Febr.5 scriptam cum versibus tuis memoriae Frederici I Imp. non iniquis, quos jam hic sub tuo nomine evulgari scias. Misit quippe eos Pavius6 ad Wouwium7, is porro Riveto8 ostendit, ille principi9, cujus in gratiam etiam Gallice vertit: omnibus et materia et ipsum epigramma perplacent.

    Hic nulli jam amplius de induciis sunt sermones, omnibus jam fere bellum in ore est: et jam hostes Eindhoviam occupavere, nullis aut certe perpauxillis nostrorum praesidiis insessam, ut commeatus rationem eo melius expediant.

    De irruptione Caesarianorum10 in agrum Embdanum, quod nuper scripseram11, etsi ex ore eorum, qui inde venerant habeo, tamen minus certum esse comperi. Illud certius Leodii in urbe et circa eam valde turbari, et venire Trajecto litteras, quae nuntiant regium Gallorum exercitum non longe a Mazeria esse, ut Leodiensibus contra Caesarianos auxilium ferat; venisse etiam quendam e magnatibus Galliae Trajectum, qui tamen quis sit, quid ferat, nondum innotescit.

    Nudius tertius natalem patris12 celebravimus, tui quoque sub Paschalis tempus non immemores futuri13. Filio14 proxima vice respondebo, cui jam binarum litterarum debitor sum; nunc tempus me deficit. Salutem tibi tuisque dici voluit Simon Graswinckelius15, qui jam ad nos rediit; ei me uxoremque16 annumeres velim. Sed jam manum de tabula tollere cogor.

    Vale.

    16

    Tibi obsequentissimus frater
    Guilielmus Grotius.

    Raptim X Martii 1636.

    Adres: A Monsieur Monsieur Grotius, Ambassadeur de la Reine et couronne de Suède vers le Roy Très-chrestien A Paris.

    In dorso schreef Grotius: X Martii 1636. W. de Groot.

    En boven aan de brief: Rec. 9 Aprilis.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op VI, nos. 2465 en 2485; tesamen met nos. 2496 en 2519 beantw. d. no. 2544.
    2 - No. 2485 (dl. VI).
    3 - Diederik, die na een verblijf om studieredenen in het vaderland zich weer bij zijn ouders te Parijs had gevoegd.
    4 - Grotius' tweede zoon Pieter, die - eveneens om studieredenen - in het vaderland verbleef.
    5 - No. 2465 (dl. VI).
    6 - Adriaen Reyniersz. Pauw; hij bevond zich te Parijs.
    7 - Wellicht een lid van de Haagse drukkersfamilie Van Wouw.
    8 - André Rivet.
    9 - Frederik Hendrik.
    10 - De troepen van keizer Ferdinand II.
    11 - In een blijkbaar verloren geraakte brief.
    12 - Jan de Groot was geboren op 8 maart 1554.
    13 - Grotius' geboortedag, 10 april 1583, viel op eerste paasdag; hij vierde daarom zijn verjaardag steeds met Pasen, ongeacht de datum.
    14 - Grotius' oudste zoon Cornelis; hij was door zijn vader naar Duitsland gezonden om er o.a. de Zweedse rijkskanselier Axel Oxenstierna te ontmoeten.
    15 - Over Simon Graswinckel zie VI no. 2345, p. 329 n. 12.
    16 - Alida Graswinckel.